ఈ ప్రేమకు ఏమైనదో ప్రేమించలేని భావనతో ఎటో వెళ్ళిపోతున్నది

ఈ ప్రేమకు ఏమైనదో ప్రేమించలేని భావనతో ఎటో వెళ్ళిపోతున్నది
ఈ బంధానికి ఏమైనదో కలుసుకోవాలనే అనుబంధం ఏది లేదన్నది || ఈ ప్రేమకు ||

ఏ రూపం ఎవరికో తెలియని జతగా కలుసుకొంటున్నది
ఎవరు ఎవరికి బంధమో ఎక్కడికి వెళ్ళినా తెలుస్తున్నది

కాలంతో సాగేందుకైనా ఒకరితో ఒకరు ఎలాగైనా జీవించాలి
ఒకరితో ఒకరు ఉండాలనే అను బంధాలు అందరికి కలగాలి

ఏనాటిదో ఈ రూపం ఏనాటి వరకో ఈ బంధం జీవితానికే తెలియాలి
ఎవరు ఎంతవరకు ఎవరితో జీవిస్తారో ఈనాటి కాలానికే తెలిసిపోవాలి || ఈ ప్రేమకు ||

ఏడు అడుగులు వేస్తున్నా సప్త సముద్రాలతో నడవాలనే ఈ జీవితం
ఎవరితో ఉంటున్నా ఎవరికొరకో ప్రయాణించాలనే ఈనాటి ఈ జీవనం

మన కోసమే మనవాళ్ళు జీవిస్తూనే అనురాగాన్ని అందించేరు
మన కోసమే మనవాళ్ళు గౌరవిస్తూ అనుబంధాన్ని ఉంచెదరు

ప్రేమిస్తూనే ద్వేషాలు కలిగినా కలిసిపోయేలా భావాలతో జీవించాలి
ఎవరు ఎవరికి బంధమే అను బంధాలతోనే జీవితాలను సాగించాలి || ఈ ప్రేమకు ||