విశ్వమై ప్రతి అణువునే అన్వేషిస్తున్నా నా స్నేహమా

విశ్వమై ప్రతి అణువునే అన్వేషిస్తున్నా నా స్నేహమా
జగమై ప్రతి పరమాణువునే పరిశోధిస్తున్నా నా ప్రేమమా

ప్రకృతినై ప్రతి ఆకృతినే శాస్త్రీయ సిద్ధాంతంతో పర్యవేక్షిస్తున్నా నా మిత్రమా  || విశ్వమై ||

విశ్వ జగతికి నీడనై నిత్యం నేనే ఉంటున్నా
విశ్వ ప్రకృతికి ఛాయనై సర్వం నేనే దాగున్నా

అణువుగానే నీడనై విశ్వంలోనే ఆకృతిగా ఇమిడిపోయి ఉన్నా
పరమాణువుగా ఛాయనై జగంలోనే రూపతిగా ఇంకిపోయి ఉన్నా

అణువుగానే నా స్వరూపం అంతరించి పోదని ప్రకృతినై ఎదుగుతున్నా
పరమాణువుగానే నా ఆకారం అస్తమించి పోదని ఆకృతినై ఒదుగుతున్నా  || విశ్వమై ||

దివ్య జగతికి ఆకృతినై నిత్యం నేనే వెలసి ఉన్నా
దివ్య ప్రకృతికి రూపతినై సర్వం నేనే విరసి ఉన్నా

అణువుగానే నా అన్వేషణ విశ్వమందే సాగుతుందని నిలిచివున్నా
పరమాణువుగానే నా పరిశోధన జగమందే సాగుతుందని తలిచివున్నా

అణువులన్నీ ఒకటిగా ఆకారమై విశ్వాన్ని నడిపిస్తుందని ప్రయాణిస్తున్నా
పరమాణువులన్నీ ఒకటిగా స్వరూపమై జగాన్ని నడిపిస్తుందని వ్యాపిస్తున్నా  || విశ్వమై || 

ఉన్నది ఏది లేనిది ఏది

ఉన్నది ఏది లేనిది ఏది
వచ్చేది ఏది రానిది ఏది

మనలో ఉన్నది ఎవరికి
మనతో ఉన్నది ఎందరికి

ఏది తెలిసినా ఎంతో తెలియాలని
ఎంత తెలిసినా ఏదో తెలుసుకోవాలని   || ఉన్నది ||

నా భావం ఎవరి వెంట లేదు
నా తత్వం ఎవరి వెంట రాదు

నా వేదం ఎవరి చెంత లేదు
నా జ్ఞానం ఎవరి చెంత రాదు

నా కోసం ఎవరి సమయం ఆగదు
నా దేహం ఎవరి సహాయం కోరదు

నా మేధస్సులో ఉన్న మర్మం ఎవరికి తెలియదు
నా శిరస్సులో ఉన్న మంత్రం ఎవరికి తోచబడదు  || ఉన్నది ||

నా రూపం ఎవరి వెంట నిలవదు
నా తాపం ఎవరి వెంట కలవదు

నా జీవం ఎవరి చెంత సాగదు
నా లోపం ఎవరి చెంత ఉండదు

నా కార్యం ఎవరి తరుణం మార్చదు
నా బంధం ఎవరి కలహం అంటదు

నా ఆలోచనలో ఉన్న గమనం ఎవరిని తపించదు
నా యోచనలో ఉన్న చలనం ఎవరిని వహించదు  || ఉన్నది || 

నీ శ్వాసతోనే జన్మించాను మాతృదేవా

నీ శ్వాసతోనే జన్మించాను మాతృదేవా
నీ ధ్యాసతోనే ఉదయించాను పితృదేవా

నీ ఆకారమే జగతికి మహా దేవ స్వరూపం
నీ ప్రకారమే విశ్వతికి మహా దేవ స్వభావం

నీ భావాలే నాలో జీవత్వాలై జీవించునే సర్వం
నీ వేదాలే నాలో స్వరత్వాలై స్మరించునే నిత్యం  || నీ శ్వాసతోనే ||

నీ జీవన వేదం విశ్వతికి మహోదయ ప్రజ్వల ప్రతేజం 
నీ భావన జ్ఞానం జగతికి మహోదయ ప్రభాత ప్రణామం

నీ జీవం శ్వాస ధ్యాసకు కలిగే మహానంద భరిత యోగం
నీ తత్వం ఉచ్చ్వాస నిచ్చ్వాసకు చేరే మహాశయ చరిత భోగం  || నీ శ్వాసతోనే ||

నీ లోనే దైవం నీతోనే భావనం నీయందే మహా జరిత జగతి తత్వం
నీ లోనే దేహం నీతోనే తపనం నీయందే మహా సరిత విశ్వతి భత్యం

నీ లోనే సౌఖ్యం నీతోనే సహచరం నీయందే మహా గణిత ప్రకృతి కోణం
నీ లోనే ఐక్యం నీతోనే సహకారం నీయందే మహా వణిత ఆకృతి చూర్ణం   || నీ శ్వాసతోనే || 

విశ్వమంతా నిశ్శబ్దమై జీవించవా నేస్తమా

విశ్వమంతా నిశ్శబ్దమై జీవించవా నేస్తమా
జగమంతా ప్రశాంతమై సాగించవా మిత్రమా

ప్రకృతంతా నిర్మలమై జీవించవా నేస్తమా
లోకమంతా పరిశోధనమై సాగించవా మిత్రమా

విశ్వమంతా అమోఘమైన ధ్వనుల సందడితో సాగిపోవునా  
జగమంతా అఖండమైన స్వరముల శర్థముతో జరిగిపోవునా  || విశ్వమంతా ||

నిశ్శబ్దమై జీవించవా ప్రశాంతమై సాగించవా జీవితం
నిర్మలమై జీవించవా పరిశోధనమై సాగించవా జీవనం

నిశ్శబ్దమై వరించవా ప్రశాంతమై సహించవా జీవితం
నిర్మలమై వరించవా పరిశోధనమై సహించవా జీవనం  || విశ్వమంతా ||

నిశ్శబ్దమై వర్ణించవా ప్రశాంతమై పఠించవా జీవితం
నిర్మలమై వర్ణించవా పరిశోధనమై పఠించవా జీవనం

నిశ్శబ్దమై పులకించవా ప్రశాంతమై విహరించవా జీవితం
నిర్మలమై పులకించవా పరిశోధనమై విహరించవా జీవనం  || విశ్వమంతా ||

మానవుడా మానవుడా రహస్యం తెలిసేనా

మానవుడా మానవుడా రహస్యం తెలిసేనా
మాధవుడా మాధవుడా మర్మజ్ఞం తెలిసేనా

మానవుడా మానవుడా అద్భుతం జరిగేనా
మాధవుడా మాధవుడా ఆశ్చర్యం కలిగేనా

జీవితంలో ఏది లేని భవితవ్యం నాకే వరించెనే ఎందుకో  || మానవుడా ||

మేధస్సులో కలిగే ఆలోచన అపారమైనా అన్వేషణ శూన్యమా
మనస్సులో కలిగే యోచన అఖండమైనా పరిశోధన పూజ్యమా

వయస్సులో కలిగే మోహనం అఖిలమైనా ఆద్యంతం అంతమా
ఉషస్సులో కలిగే చందనం అమోఘమైనా అధ్యాయం వ్యయమా  || మానవుడా ||

గుణములో కలిగే సువర్ణం సుందరమైనా అలంకారం చిత్రమా
వైనములో కలిగే ఉపాయం ఆస్వాదమైనా రూపాకారం క్షత్రమా

బంధములో కలిగే బాంధవ్యము సుధీర్ఘమైనా సంయుక్తం అభాగ్యమే
శాస్త్రములో కలిగే వేదాంతము ఆధిక్యమైనా నిరంకుశత్వం అపార్థమే  || మానవుడా || 

ఏనాడో వెళ్ళిపోయినా నా పాద రక్షాలను నేడే దర్శించాను

ఏనాడో వెళ్ళిపోయినా నా పాద రక్షాలను నేడే దర్శించాను
ఎప్పుడో కనుమఱుగైన నా పాద రక్షాలను నేడే గమనించాను

నా పాద రక్షాలను నేను గుర్తించినా నేను స్వీకరించలేదు
నా పాద రక్షాలను నేను దర్శించినా నేను ధరించలేదు

ధరించినవారి తమ పాదాలకు రక్షణగా ఉండాలనే నేను భావించాను
వరించినవారి తమ పాదాలకు స్పర్శగా ఉండాలనే నేను స్పందించాను  || ఏనాడో ||

నా పాద రక్షములే పద్మములై నీ భావాలను సుఖించేను
నా పాద రక్షములే పదకములై నీ కార్యాలను స్మరించేను 

నా పాద రక్షములే నీ దివ్య గుణములై విశ్వాన్ని అన్వేషించేను
నా పాద రక్షములే నీ విద్య వర్ణములై లోకాన్ని పరిశోధించేను     || ఏనాడో ||

నా పాద రక్షములే నీ ఆలోచనల తత్వాన్ని తిలకించేను
నా పాద రక్షములే నీ ఆవేదనల స్వభావాన్ని తపించేను

నా పాద రక్షములే నీ మనస్సును ప్రకృతిపై కేంద్రీకరించేను
నా పాద రక్షములే నీ వయస్సును జగతిపై  ధ్రువీకరించేను    || ఏనాడో || 

హృదయమా నిలిచిపోయావా దేహంలో

హృదయమా నిలిచిపోయావా దేహంలో
మరణమా వదిలిపోయావా విశ్వంలో

కాలమైనా ఆగలేదు క్షణమైనా తెలుపలేదు
సమయమైనా చూపలేదు చివరికేది తెలియలేదు

మేధస్సుకే తోచలేదు మనస్సుకే స్పందనలేదు   || హృదయమా ||

భావమైనా గ్రహించలేకపోయే తత్వమైనా ఆవహించకపోయే
వేదమైనా స్పందించలేకపోయే జ్ఞానమైనా స్వరించకపోయే

దైవమైనా తెలుపలేకపోయే కాలమైనా తపించలేకపోయే
దేహమైన త్యజించలేకపోయే జీవమైనా తడబడలేకపోయే   || హృదయమా ||

కార్యమైనా చెప్పలేకపోయే కారణమైన తెలియలేకపోయే
హృదయమైనా గమనించకపోయే జీవమైనా గ్రహించకపోయే

వయస్సైనా జాగ్రతలేకపోయే మనస్సైనా చూసుకోలేకపోయే
మేధస్సైనా నిలుపలేకపోయే ఉషస్సైనా చెదరలేకపోయే      || హృదయమా ||