Wednesday, May 23, 2018

జన్మించరా జగతిలా

జన్మించరా జగతిలా
జీవించరా చిరంజీవిలా
జయించరా జగదేకవీరుడిలా

మానవుడే మాధవుడిలా స్పందించేనురా  || జన్మించరా ||

ఉదయించే సూర్యుడే నీకు సద్గురువురా
అస్తమించే సూర్యుడే నీకు సన్నిహితుడురా

అధిరోహించే కిరణమే నీకు ఉత్తేజమురా
ఆవహించే ప్రజ్వలమే నీకు సహనమురా  || జన్మించరా ||

మాతృత్వమే అమృతత్వమై జన్మించునురా
పితృత్వమే  తన్మయతత్వమై జీవించునురా

ఆచార్యత్వమే విజ్ఞాన వేదత్వమై జయించునురా
దైవత్వమే విశ్వామృత సత్యత్వమై జపించునురా  || జన్మించరా || 

No comments:

Post a Comment