ఎందరో మరెందరో మహాత్ములు ఉదయించారు

ఎందరో మరెందరో మహాత్ములు ఉదయించారు
ఎందరో మరెందరో మహానుభావులు ఉద్యమించారు

ఎందరు మరెందరో మహర్షులు అవతరించారు
ఎందరో మరెందరో మహనీయులు అధిరోహించారు

ఇంకా ఎందరో మరెందరో జీవిస్తూనే ఉన్నారు
ఇంకా ఎందరో మరెందరో జన్మిస్తూనే ఉంటారు   || ఎందరో  ||

మనిషిగా ఎదిగిన వారే మరో మనిషిగా మహోన్నతమై సాగుతారు
మనిషిగా ఒదిగిన వారే మరో మనిషిగా మహోజ్వలమై వెలుగుతారు

ఋషిగా మహా ఋషిగా జీవించే వారే దైవర్షిగా అవతరించెదరు
ఋషిగా మహా ఋషిగా జన్మించే వారే బ్రంహర్షిగా అధిరోహించెదరు  || ఎందరో  ||

మనిషిగా మరో మనిషిని చూసేవారు మహోత్తరమై సాగెదరు
మనిషిగా మరో మనిషిని తలిచేవారు మహాతత్వమై నిలిచెదరు

ఆత్మగా మరో ఆత్మను దర్శించేవారే మహాత్మగా ఉదయించెదరు
ఆత్మగా మరో ఆత్మను ఆదరించేవారే మహతిగా ఉద్యమించెదరు  || ఎందరో  ||