ఎదుట నీవు లేని జీవితానికి అద్దం

ఎదుట నీవు లేని జీవితానికి అద్దం ఎందుకో
హృదయం ఉంటే చాలు జీవించవచ్చని మనస్సే తెలుపుతున్నది
జీవితానికి తోడుగా నీవే జ్ఞాపకంగా అద్దంలా హృదయంలో ఉన్నావు .....

ఆలోచనతో ఊహించే నీ రూపానికి మనస్సే అద్దమై కనిపిస్తున్నది
హృదయంలోనే నీ ప్రతి బింభం చెరగని ప్రతి రూపమై జీవిస్తున్నది

నా మాట కూడా నీ రూపాన్ని స్మరిస్తూ నీపై ధ్యాసతో పలికిస్తున్నది
నీ మాట కూడా నీ రూపాన్ని కనిపించేలా హృదయాన్ని చేరుతున్నది

జ్ఞాపకమే బంధమై జీవితాన్ని నీ రూపంతో సాగిస్తున్నది
హృదయమే జీవితమై నీ మనస్సుతో ఏకీభవిస్తున్నది

ఎదుట నీవు లేని జీవితానికి అద్దం ఎందుకో
హృదయం ఉంటే చాలు జీవించవచ్చని మనస్సే తెలుపుతున్నది
జీవితానికి తోడుగా నీవే జ్ఞాపకంగా అద్దంలా హృదయంలో ఉన్నావు .....

నీ కోసమే జీవిస్తున్నాని నా మేధస్సులో నీకై అన్వేషణ సాగుతున్నది
నీ రూపమే హృదయానికి అద్దమై కనిపిస్తూ నిన్ను చూసుకుంటున్నది

మౌనం కూడా నీ మనస్సులా నన్ను కరిగిస్తూ నిన్ను ప్రేమిస్తున్నది
భావం కూడా నీ హృదయంలా నన్ను పలకరిస్తూ నిన్ను కలవరిస్తున్నది

ఏనాటికైనా నీ రూపం నాలో సగ భాగమై ఉంటుంది
ఏ జన్మకైనా నీ దేహంలో నా రూపం సంపూర్ణమై ఉంటుంది

ఎదుట నీవు లేని జీవితానికి అద్దం ఎందుకో
హృదయం ఉంటే చాలు జీవించవచ్చని మనస్సే తెలుపుతున్నది
జీవితానికి తోడుగా నీవే జ్ఞాపకంగా అద్దంలా హృదయంలో ఉన్నావు .....