జీవితాన్ని మార్చుకోవా జీవనాన్ని

జీవితాన్ని మార్చుకోవా జీవనాన్ని మార్చలేవా
జీవించుటకు ధనమే మూలమని తెలుసుకోవా ...!

చాలని జీతం జీవితానికి సరిపోదు
హోదా లేని జీవనాన్ని ఓర్చుకోలేరు

ఎదుటి వారిలా విలాసవంతమే కావాలి
ఆశకు హద్దులు లేని ఆలోచనలే ఉన్నాయి

కష్టానికి నష్టానికి నీవే బాధ్యుడవు
సుఖ సంతోషాలకు నీవు సరిపోవు

జీవితాన్ని మార్చుకోవా జీవనాన్ని మార్చలేవా
జీవించుటకు ధనమే మూలమని తెలుసుకోవా ...!

భవిష్య జీవితానికై అధిక ధనం కావాలంటారు
అందరిలా గొప్ప హోదాను కోరుకుంటారు

జీవించే కాలం మెరిసే నగలతో సాగిపోవాలి
ఆశించే కాలం మన చేతిలోనే ఉండిపోవాలి

సమస్యకు ధనమే ఆధారమని జీవిస్తున్నారు
సుఖానికి ధనమే మూలమని అనుకున్నారు

జీవితాన్ని మార్చుకోవా జీవనాన్ని మార్చలేవా
జీవించుటకు ధనమే మూలమని తెలుసుకోవా ...!