రూపంతో ఎదిగావా ఓ మహాత్మా

రూపంతో ఎదిగావా ఓ మహాత్మా
ఆకారంతో ఒదిగావా ఓ మానవా

నీలోనే ఉన్నది పరమాత్మ ఓ మాధవా
నీలోనే ఉన్నది పరమార్థం ఓ మానవా  || రూపంతో ||

ఏది నీ జీవం ఏది నీ దేహం
ఏది నీ దైవం ఏది నీ ధర్మం
ఏది నీ భావం ఏది నీ తత్వం

ఎన్నెన్నో లోకాలు తిరిగినా ఒకటే జీవిత పరమార్థం
ఎన్నెన్నో జన్మలు పొందినా ఒకటే ఆత్మ విశ్వాసం   || రూపంతో ||

ఏది నీ జ్ఞానం ఏది నీ సత్యం
ఏది నీ వేదం ఏది నీ విజ్ఞానం
ఏది నీ రూపం ఏది నీ ఆకారం

ఎక్కడికి వెళ్ళినా ఏ జీవైనా కోరుకునేది ప్రశాంతమైన జీవితం
ఎక్కడ ఉన్నా ఏ జీవిని అడిగినా కోరేది స్వచ్ఛమైన ఆనందం  || రూపంతో ||