శ్వాస ధ్యాసను నీవే పరిశుద్ధం చేసుకో

శ్వాస ధ్యాసను నీవే పరిశుద్ధం చేసుకో
దేహ స్వరమును నీవే పవిత్రం చేసుకో

భావ తత్వాలను నీవే గమనం చేసుకో
వేద పురాణాలను నీవే పఠనం చేసుకో

కాలాన్ని క్రమంగా విజ్ఞానంతో నీవే మలుచుకో  || శ్వాస ||

ధ్యానించే ప్రకృతిలోనే శ్వాసను ధ్యాసను పరిశుద్ధం చేసుకో
బోధించే పాఠశాలలోనే దేహాన్ని స్వరాన్ని పవిత్రం చేసుకో

ఆలోచనల భావాలలోనే తత్వాలను గమనం చేసుకో
కార్యముల వేదాలలోనే పురాణాలను పఠనం చేసుకో  || శ్వాస ||

స్వధ్యాసలోనే ఉచ్చ్వాస నిచ్చ్వాసత్వాలను పరిశీలన చేసుకో
స్వర శృతిలోనే దేహ హృదయ చలనాలను పర్యవేక్షణ చేసుకో

భావాలలోనే స్వభావాలను సద్గుణంగా మలుచుకో
తత్వాలలోనే సందర్భాలను సమన్వయంగా చేసుకో  || శ్వాస ||