ఏమిటో నీ జాడ కాస్తైనా తెలియకున్నది ఓ పరమాత్మా

ఏమిటో నీ జాడ కాస్తైనా తెలియకున్నది ఓ పరమాత్మా
ఏమిటో నీ రూపం కాస్తైనా కనబడకున్నది ఓ పరంధామా

ఏమిటో నీ భావం ఒకటైనా కలగకున్నది ఓ పురుషోత్తమా
ఏమిటో నీ తత్వం ఒకటైనా ధరించకున్నది ఓ పద్మనాభమా  || ఏమిటో ||

ఏనాటి పర బ్రంహవో యుగ యుగాలకు నీవే మా పూర్వ పురుషోత్తమవు
ఏనాటి పర విష్ణువో తర తరాలకు నీవే మా పురాణ గాధల పురోహితుడవు

ఏ ధ్యానము చేసినా ఏ ధ్యాస ఉంచినా నీవే కానరాని మహోదయ పురుషుడవు
ఏ యాగము చేసినా ఏ దీక్షలు సాగించినా నీవే దర్శించని మహా పురంధరుడవు  || ఏమిటో ||

నీవు లేకున్నా ఉన్నావనే భావనతో దైవ ప్రవక్తగా కొలిచి వేదాల ప్రవచనాలనే నీకు అర్పించెదము
నీవు ఎలా ఉన్నావో తెలియకున్నా విశ్వ కర్తగా తలిచి శతాబ్దాలుగా కీర్తనలనే నీకు వినిపించెదము

నీవు లేనన్న మాట ఎవరికి తెలియనివ్వక మీ పూర్వ చరణములనే భోదించెదము
నీవు రావన్న బాట ఎవరికి చూపనివ్వక మీ పురాణ చరిత్ర గాధములనే తెలిపెదము  || ఏమిటో || 

ఏనాటిదో ఈ సేవ ఎప్పటి వరకో ఈ సంభరం

ఏనాటిదో ఈ సేవ ఎప్పటి వరకో ఈ సంభరం
ఏనాటిదో ఈ ప్రార్థన ఎవరి కొరకో ఈ ఉత్సవం

ఎటువంటి మహా సేవకైనా ఏనాటి భక్తికైనా కరుణించే భాగ్యము లేదా
ఎటువంటి సంభరమైనా ఏనాటి ఉత్సవమైనా దయ కలుగుట లేదా  || ఏనాటిదో ||

ఎన్నో కీర్తనలను ఆలపించినా ఎన్నో దైవ ప్రార్థనలు చేసినా ఏమున్నది మహత్యము
ఎన్నో శ్లోకాలను కీర్తించినా ఎన్నో వేద పద్యాలను ప్రార్థించినా ఏమున్నది గొప్పతనము

మహా గ్రంథాలను పఠనం చేసినా వేద ఉపనిషత్తుల పురాణాలను ఆరాధించినా ఎక్కడ సౌఖ్యము
మహా ప్రవచనాలను ఉపదేశించినా మహా వేద గుణ జ్ఞాన తత్వాలను పాటించినా ఎక్కడ సౌకర్యము

జీవితమంతా సేవకుడిగా ఉన్నా మనస్సంతా దైవత్వమున్నా ఏదీ అద్భుతము
జీవనమంతా భక్తుడిగా ఉన్నా హృదయమంతా అద్వైత్వమున్నా ఏదీ ఆశ్చర్యము  || ఏనాటిదో ||

యజ్ఞ యాగాలు చేసినా పూజలు పునస్కారాలు చేసినా మనస్సులో అంతిమ చింతనయే
దేహ స్తుతి దైవ స్తోత్రము  అర్చన అభిషేకాలు చేసినా మేధస్సులో మహా దైవ చింతనయే

ఫల పుష్పాలంకరణాలు ఎన్ని చేసినా భక్తి శ్రద్ధలు ఎన్ని వహించినా ఎప్పటికో ఆహ్లాదకరము
పవిత్రత పరిశుద్ధత పరిపూర్ణత నిష్ఠత సత్య ధర్మాలతో పూజించినా ఏనాటికో మోక్ష కటాక్షము

ధ్యానించుటలోనైనా కలుగునేమో మహా సంతోషము మహా ఆనందము మహా గొప్ప ఉత్సాహము
పరధ్యాసలోనైనా దివ్య జ్యోతి కృపా కటాక్షము కడకంటి చూపుగా కలుగునా ఈ జన్మకు సార్థకము  || ఏనాటిదో ||

కవి రాజుకే అందని తోచని భావానివో

కవి రాజుకే అందని తోచని భావానివో
కవి ధాతకే కలగని తెలియని వేదానివో
కవి వర్మకే వినిపించని కనిపించని తత్వానివో   || కవి రాజుకే ||

ఏ కవికి తెలియని భావాల మధుర పుష్పాల కవితలే నా మేధస్సులో మాధుర్యమూ
ఏ కవికి కలగని వేదాల మధుర మాణిక్యములే నా ఆలోచనలలో మహా మనోహరమూ
ఏ కవికి వినిపించని మందార మకరందాలే నా మనస్సులో మహా మహా మోహనమూ
ఏ కవికి కనిపించని సుందర సుగంధాల సువర్ణములే నా దేహములో మహా తేజమూ
ఏ కవికి స్పర్శించని రూపాల ఆకార స్వరూపములే నా యదలో మహా స్వప్నమూ     || కవి రాజుకే ||

ఏ కవి శర్మకు తోచని నవ భావాల సోయగాల వంపులే నాలోని పద్మముల పదజాలమూ
ఏ కవి చంద్రకు అందని వేదాల నవ కాంతుల వయ్యారములే నాలోని రాగాల పదకీర్తనమూ
ఏ కవి తేజకు ఎదురవ్వని తత్వాల సుగంధ సువర్ణములే నాలోని పుష్పాల పదభూషణమూ
ఏ కవి నేత్రకు స్పర్శించని స్వభావాల సుందర సుమధురాలే నాలోని పూల పదపాండిత్యమూ
ఏ కవి గాత్రకు అనిపించని ఆనంద సంతోష గానములే నాలోని గీతముల పదసంభాషణమూ
ఏ కవి జంటకు అన్వేషించని రూప స్వరూపముల ఆకారాలే నాలోని గానాల పదస్వరూపమూ  || కవి రాజుకే ||

పలికించవా నా భావన వినిపించవా నా కీర్తన

పలికించవా నా భావన వినిపించవా నా కీర్తన
సంగీతాల సరిగమలతో పదనిసలనే మెప్పించవా
నా జీవన వేదాన్ని స్వర రాగాల లోకాలకు పంపించవా  || పలికించవా ||

నాలోని విజ్ఞానం వినయమా నా అనుభవం అభినయమా
సర్వాంతరం సంగీత యోగమా నిరంతరం నిజతత్వమా

నా నవ జీవితం నవీనత్వమా నా నూతన జీవనం నందనమా
స్వర భాషలో భావం సంయోగమా శృతి ధ్యాసలో సర్వాంతరమా

అమృతాల పలుకులతో మాతృ భావాల సుగంధాలనే మెప్పించనా
మకరందాల పిలుపులతో మాతృ తత్వాల సవ్వడినే ఒడి చేర్చుకోనా  || పలికించవా ||

శృతిలయలో దాగే స్వర రాగ సంగీతాన్ని స్మరించగా తేనీయమే తెలిసిందిలే
ఒడిలయలో దాగే శ్వాస భావ సంతోషాన్ని స్పందించగా మాతృత్వమే తెలిసేనులే

వేదాల సరిగమలు పదనిసలుగా గజ్జెల మువ్వల సవ్వడితో మృదంగమా
సుస్వరాల పలుకుల చరణములు మాటల రాగాలతో వేదాంత స్వరగానమా

సంగీత జ్ఞానం స్వరాల విజ్ఞానం అనుభవానికి గమనమా
సంపూర్ణ గీతం సందేశ గాత్రం అనుబంధానికి తపనమా  || పలికించవా ||