మరణమిదే మనస్సు తలచిన సమయమిదే

మరణమిదే మనస్సు తలచిన సమయమిదే
మేధస్సుకే తెలిసి తెలియని భావ తత్వమిదే

జీవమిదే శ్వాస తపించిన ఉచ్చ్వాస నిచ్ఛ్వాస ఇదే
దేహమిదే హృదయం తెలిపే పర ధ్యాన గమనమిదే   || మరణమిదే ||

ఏనాడో జన్మించిన కాలం మరణాన్నే మరచిన సమయం ఏదో
ఏనాడో తలచిన మరణం ఏనాటికో తెలియని సందర్భం ఏదో

జీవించే శ్వాసపై ధ్యాసతో గమనమై జీవించేస్తున్నా
తపించే హృదయమే ధ్యాన గమ్యమై ప్రయాణిస్తున్నా   || మరణమిదే ||

తెలియనివి ఎన్నో తెలియుట కొరకే తపనమే సాగుతున్నది
తెలిసినవి ఎన్నో తెలుపుట కోసమే తరుణమే వెళ్ళుతున్నది

ఎన్నెన్నో నేర్చిన వన్నీ మరణ సమయాన్ని తపించలేదే
ఎన్నెన్నో మరచిన వన్నీ మరణ భావత్వాన్ని తెలుపలేదే   || మరణమిదే || 

శిల్పమా నవ రూపమా తేజమే నీ మౌనమా

శిల్పమా నవ రూపమా తేజమే నీ మౌనమా
శిల్పమా నవ భావమా వర్ణమే నీ స్వప్నమా

కలలకే రూపమా కన్నులకే మహా అందమా
కవితలకే భావమా కవులకే మహా ఆనందమా   || శిల్పమా ||

వయస్సుకే వయ్యారామా మనస్సుకే శృంగారమా
ఉషస్సుకే ఉత్కంఠమా మేధస్సుకే మాధుర్యమా

సొగసుకే సోయగమా నాదానికే నయగారమా
ఉన్నతికే ఔదార్యమా సరసానికే సౌందర్యమా  || శిల్పమా ||

మాటలకే మందారమా మౌనానికే మనోహరమా
సువర్ణాలకే సౌఖ్యమా సుగంధాలకే సుందరమా

బంధాలకే సౌభాగ్యమా రాగాలకే రమణీయమా
భావాలకే అతిశయమా అందాలకే ఆనందమా  || శిల్పమా ||

జీవితం చాలని జీవనం సాగుతున్నదా మనలో

జీవితం చాలని జీవనం సాగుతున్నదా మనలో
వేదం చాలని విజ్ఞానం సాగుతున్నదా మనలో
తెలుసుకో ఒక రూపమై తెలుపుకో ఒక ఆత్మవై   || జీవితం ||

శరీరానికి కదలిక చాలని  
దేహానికి ఆహారం చాలని
ఆలోచనకు విజ్ఞానం చాలని

కాలమే తెలిపేను ఏదైనా కొంతవరకే చాలని   || జీవితం ||

మేధస్సుకు భావనం చాలని
హృదయానికి ప్రసరణ చాలని
వయస్సుకు అనుభవం చాలని

సమయమే తలచేను ఎంతైనా కొంతవరకే చాలని   || జీవితం || 

మంత్రమే వేశాను విశ్వానికి

మంత్రమే వేశాను విశ్వానికి
తంత్రమే పంచాను జగతికి
యంత్రమే ఇచ్చాను దేహానికి

మర్మమే తెలిపాను లోకానికి మంత్రమే దాచాను మేధస్సుకు  || మంత్రమే ||

కార్యాలన్నీ సుఫలంగా సాగుటలోనే మంత్రం ఉన్నది
భావాలన్నీ నిర్విఘ్నంగా సాగుటలోనే తంత్రం ఉన్నది
తత్వాలన్నీ ఆద్యంతంగా సాగుటలోనే యంత్రం ఉన్నది

జీవుల ఆలోచనలలోనే అనంతమైన విశ్వం విజ్ఞానమై మర్మంతో కలిసినది  || మంత్రమే ||

వేదాలతో సాగే భావాలకు మంత్రం వేశాను
తత్వాలతో సాగే బంధాలకు తంత్రం పంచాను
స్వరాలతో సాగే దేహాలకు యంత్రమే ఇచ్చాను   || మంత్రమే ||

జీవుల స్వభావాలలోనే అనంతమైన దేహాన్ని కాలజ్ఞాన మర్మంతో నింపాను  || మంత్రమే || 

ఏ శ్వాసతో జీవించాలి ఏ ధ్యాసతో గమనించాలి

ఏ శ్వాసతో జీవించాలి ఏ ధ్యాసతో గమనించాలి
ఏ భాషతో పలికించాలి ఏ ఆశతో మెప్పించాలి

కాలమే భావాలను తెలిపినా తెలియని స్వభావాలు మనలోనే ఎన్నో  || ఏ శ్వాసతో ||

శ్వాసలోనే ఉందా ఉచ్చ్వాస ధ్యాసల నిచ్ఛ్వాసాల గమనం
భాషలోనే ఉందా పలికే ఆశల స్వర స్వభావాల గానామృతం

ధ్యానంతో శ్వాసించినా పర ధ్యాసతో గమనించినా తెలియని అభిరుచులు ఎన్నో
వేదాలతో తిలకించినా భావాలతో తపించినా తెలియని అనురాగ శృతులు ఎన్నో  || ఏ శ్వాసతో ||


మోహమే మౌనమై దేహమే లీనమై ఉచ్చ్వాస నిచ్ఛ్వాస ధ్యాసలతోనే జీవన గమనం
రాగమే వేదమై స్వరమే భావమై భాషయే వరమై ఆశలతోనే శృతి జీవిత ప్రయాణం

కాలంతో సాగినా తపించే భావాలు మేధస్సులోనే మిగిలిపోయిన స్వర శృతులు ఎన్నో
వేదంతో సాగినా వేదాల స్వభావాలు ఆలోచనలలో కలిగే నవ ఊహల భావాలు ఎన్నో   || ఏ శ్వాసతో ||

కలలే కంటున్నావా కథలే వింటున్నావా

కలలే కంటున్నావా కథలే వింటున్నావా
ఊహలే చేస్తున్నావా ఆలోచనలే గమనిస్తున్నావా

కలలైనా కథలైనా విజ్ఞానం ఉందని తెలుసుకున్నావా
ఊహలైనా ఆలోచనలైనా భావం ఏమని తెలుపుకున్నావా   || కలలే ||

కన్నులకే తెలియని కలలు కంటున్నా కాలం ఆగదులే
చిత్రాలకే తెలియని కథలు చెపుతున్నా సమయం నిలవదులే

వేదాలకే తెలియని ఊహలు చేస్తున్నా గమనం ఒదగదులే
భావాలకే తెలియని ఆలోచనలు వస్తున్నా కార్యం చేరదులే   || కలలే ||

కలలన్నీ కన్నులకు తెలియని మేధస్సులో కలిగే చిత్ర భావాలే
కథలన్నీ కన్నులకు కనిపించని మేధస్సులో కలిగే చిత్ర రూపాలే

ఊహలన్నీ చెవులకు వినిపించని మేధస్సులో కదిలే చిత్ర స్వభావాలే
ఆలోచనలన్నీ వరుసకు చేరని మేధస్సులో కదిలే చిత్ర భావ తత్వాలే   || కలలే ||

అనగా అనగా నేడే వినగా వినగా

అనగా అనగా నేడే వినగా వినగా
ఒక రోజు ఏదో కథగా తెలిసేనే

అనగా అనగా ఎప్పుడో వినగా వినగా
ఏదో ఒక రోజు మన జీవితంగా మారేనే   || అనగా ||

కథలే కాలంగా జీవితమే కోరికల ప్రయాణమై సాగంగా
కలలే కాలంగా కథలే స్వభావాల మార్గమై కొనసాగంగా

ఊహలు ఎన్నో తీరని ఆశల కథలుగా సాగేనే
కలలు ఎన్నో నెరవేరని భావాల కథలుగా సాగేనే  

వింటున్నా కథనాలన్నీ కంటికే రూపమై తెలిసేనా
జీవించే జీవితాలన్నీ మేధస్సుకే ఆకారమై తెలిపేనా || అనగా ||

జీవితాలే కథలుగా నేర్చుకునే పాఠాలుగా వస్తూనే తెలిసేను ఎన్నో తీరికగా
కథలే జీవితాలుగా మార్చుకునే కళలుగా వెళ్తూనే తెలిపేను ఎన్నో ఓపికగా

కథలన్నీ విజ్ఞానంగా సాగేలా జీవితాలను గర్వంగా మళ్లించగా
కలలన్నీ కారణంగా సాగేలా జీవితాలను గొప్పగా మార్చంగా

కలలు కథలు ఊహలు జీవితాలు ఒకటై సాగేనా
భావాలు స్వభావాలు తత్వాలు కోరికలు ఒకటై సాగేనా   || అనగా || 

విశ్వమే శ్వాసగా వేదమే ధ్యాసగా

విశ్వమే శ్వాసగా వేదమే ధ్యాసగా
జగమే జీవంగా విజ్ఞానమే ధ్యానంగా

స్వరమే సత్యంగా రాగమే ధర్మంగా
దైవమే దేహంగా గాత్రమే ప్రాణంగా

మేధస్సులో కలిగే భావాలకు ఆలోచనలో అనుభవాలు
మదిలో కలిగే మోహములకు మనస్సులో మధురములు   || విశ్వమే ||

జీవమై ఏ రూపం ఉన్నా శ్వాసగా ప్రాణం జీవిస్తున్నదే
భావమై ఏ జ్ఞానం ఉన్నా ధ్యాసగా మోహం తపిస్తున్నదే

స్వరములో తపనం ఉన్నా మౌనం మహోన్నతమైనదే
జీవములో అదరం ఉన్నా ప్రాణం అభియోగ్యతమైనదే   || విశ్వమే ||

విజ్ఞానం ఎవరితో ఉన్నా స్వధ్యాసతో సత్యమైనదే
వేదాంతం ఎవరిలో ఉన్నా  ధ్యానంతో నిత్యమైనదే

ధర్మం ఎక్కడ ఉన్నా దైవం అన్వేషిస్తున్నదే
జీవం ఎక్కడ ఉన్నా రూపం ఆవహిస్తున్నదే      || విశ్వమే || 

ఆలోచన ఒక భావమై మేధస్సునే కదిలించేను

ఆలోచన ఒక భావమై మేధస్సునే కదిలించేను
భావమే ఒక కార్యమై మేధస్సునే నడిపించేను

మనలో ఎన్ని కార్య భావాల ఆలోచనలు సాగినా
మేధస్సులో అంతరంగ స్వత భావాలు దాగేను  

విజ్ఞానము మేధస్సులో ఆలోచనగా లేకున్నను
భావనగా దేహములో అంతర్భావమే కొనసాగేను   || ఆలోచన ||

ఏనాడు నా శ్వాసపై స్వధ్యాస ఉంచకున్నను 
నా మేధస్సే హృదయ క్రియలను సాగించేను

ఏనాడు నా స్వభావాలపై సమయాలోచన చేయకున్నను
నా మేధస్సే ఆలోచనలతో ఎన్నో కార్యాలను జరిపించేను  || ఆలోచన ||

ఏనాడు నా అంతర్భావాలను గమనించకున్నను
నా మేధస్సే అంతర్లీనమై దేహాన్ని సమకూర్చేను

ఏనాడు నా దేహాన్ని స్వతహాగ ఓదార్చకున్నను
నా మేధస్సే నన్ను మహా గొప్పగా మైమరిపించేను  || ఆలోచన ||

శ్వాసలో ఉచ్చ్వాస నిచ్ఛ్వాస తత్వాలే ధ్యాసగా మేధస్సులో ఊపిరి భావాలతో ఉన్నాయా

శ్వాసలో ఉచ్చ్వాస నిచ్ఛ్వాస తత్వాలే ధ్యాసగా మేధస్సులో ఊపిరి భావాలతో ఉన్నాయా
మేధస్సులో ఆలోచనల భావ స్వభావాలే పరధ్యాసగా మహా వేదాల తత్వాలతో ఉన్నాయా  || శ్వాసలో ||

ప్రతి క్షణం ప్రతి సమయం జీవిత కాలమంతా జీవుల దేహాలలో జీవమై ఉచ్చ్వాస నిచ్చ్వాసాలు శ్వాసతో ఉన్నాయా
ప్రతి ధ్యాస ప్రతి ప్రయాస జీవన ప్రమాణమంతా జీవుల రూపాలలో దైవమై పర భావ స్వభావ తత్వాలతో ఉన్నాయా  || శ్వాసలో ||

శ్వాసలో పరమాత్మమే పరిశోధనగా ఉచ్చ్వాస నిచ్ఛ్వాస భావాలు జంటగా తపిస్తున్నాయా
మేధస్సులో పరధ్యానమే పర్యవేక్షణగా ఆలోచనల వేద స్వభావ తత్వాలు జ్వలిస్తున్నాయా  || శ్వాసలో || 

చరిత్రకే తెలియని జీవితాలు ఎన్నో మనలోనే ఉండిపోయెనే

చరిత్రకే తెలియని జీవితాలు ఎన్నో మనలోనే ఉండిపోయెనే
జగతికే తెలియని ఊహలు ఎన్నో మేధస్సులలోనే ఆగిపోయెనే

ఎవరికి తెలియని జీవ భావాలు ఆలోచనలలోనే నిలిచిపోయెనే
ఎవరికి తెలియని దేహ తత్వాలు మనస్సులలోనే ఉండిపోయెనే  || చరిత్రకే ||

ఎవరి జీవితం వారికే తెలియునని
ఎవరి సుఖ దుఃఖాలు వారికే చెందునని
ఎవరి మనస్సులో వారే ఒదిగిపోయేనని
ఎవరి మేధస్సులో వారే ఉండిపోయేనని
చరిత్రగా ఎవరికి వారే నిలిచిపోయేనని
గతంలో జరిగిన మహా కథనాలే చరిత్రగా మారేనని
భవిష్య కాల చరిత్రాలే మహా పరిశోధన ప్రజ్ఞానమని  || చరిత్రకే ||

చరిత్రలో ఎన్నో కథనాలు జరిగిపోయేనని
కథలు కథలుగా కలలెన్నో కలిసిపోయేనని
జీవుల స్వభావ తత్వాలు ఎన్నెన్నో చెప్పేనని
కాలమే పురాణాలుగా సాగుతూ మనతో వచ్చేనని
ఎన్నో గొప్ప ఆలోచనలు మహా కార్యాలుగా సాగేనని
మన చరిత్ర నిర్మాణాలు సంపుటాలుగా భోదించేనని
అనుభవాలకే చరిత్ర పరిశోధనలు విజ్ఞానమయ్యేనని  || చరిత్రకే || 

ఏదో చూస్తూ ఉన్నా తోచదులే నా మదిలో

ఏదో చూస్తూ ఉన్నా ఏది తోచదులే నా మదిలో
ఏదో చేస్తూ ఉన్నా ఏది కలగదులే నా యదలో
ఏదో వింటూ ఉన్నా ఏది నిలవదులే నా దేహంలో

ఏదేదో చేయాలని ఎంతో నేర్చుకోవాలని అనుకున్నా నేనే నా మేధస్సులో ఎంతో గొప్పగా  || ఏదో చూస్తూ ||

ఎప్పటి దాకా చూస్తానో ఎంత వరకు చేస్తానో ఏదైనా వింటానో తెలియదులే తుది వరకు
చూసింది ఎప్పటిదో చేసింది ఏనాటిదో విన్నది ఏమైనదో తెలియదులే ఏ చివరి వరకు

జ్ఞాపకాల విజ్ఞానంతో మరవలేని జ్ఞానంతో ఏదో తెలియని కార్యాలతో సాగేను నా ప్రయత్నం
అనుభవాల నిర్ణయంతో ఏదో పరిష్కారంతో అధ్యాయాలుగా కార్యాలతో సాగేను నా విజయం  || ఏదో చూస్తూ ||

నా కార్యాలకు ఏ విఘ్నం కలిగినా అభ్యంతరం లేదని నాలో కలిగే భావాలే తెలిపేను పరమార్థం
నా సమస్యలకు ఆటంకం వచ్చినా అనర్థం జరిగినా నాలో నిలిచే ఆలోచనలే తెలిపేను పరమాత్మం

ఏ కాలం ఏ విజ్ఞానాన్ని తెలుపుతుందో మేధస్సుకే పరీక్షగా ఆలోచనలకే సమస్యగా తోచే గమనం
ఏ సమయం ఏ అనుభవాన్ని సూచిస్తుందో మేధస్సుకే దీక్షగా భావాలకే కఠినంగా తోచే తరుణం  || ఏదో చూస్తూ || 

జన్మిస్తూ ఉదయిస్తూనే జీవితంలో మరణిస్తూ అస్తమిస్తున్నావా జీవేశ్వరా

జన్మిస్తూ ఉదయిస్తూనే జీవితంలో మరణిస్తూ అస్తమిస్తున్నావా జీవేశ్వరా
శ్వాసతో ధ్యానిస్తూనే దేహాన్ని ఆకార రూపంగా మారుస్తున్నావా దేహేశ్వరా   || జన్మిస్తూ ||

మేధస్సునే ఆలోచింపజేస్తూ భావాలతో విజ్ఞానాన్ని పరిశీలిస్తున్నావా
కాలంతో కలిగే సమస్యలను పరిష్కారిస్తూ జీవితాన్ని పర్యవేక్షిస్తున్నావా

అనంత జీవుల జీవన సాగర లోకంలో ఎన్నో విశ్వ భావ స్వభావ తత్వాలనే అన్వేషిస్తున్నావా
అనంత కాల సమయంతో సృష్టిలో ఎన్నో జీవ వేద విజ్ఞాన భావ బంధాలనే పరిశోధిస్తున్నావా   || జన్మిస్తూ ||

మహనీయమైన శాస్త్రీయ ప్రకృతి విధానాలను భవిష్య వాణికై లిఖిస్తున్నావా
మహోదయమైన విశ్వ తేజత్వాన్ని సూర్య కాంతితో జగతిని వెలిగిస్తున్నావా

సర్వ సాధారణమైన అపురూప విషయాలను మేధస్సుకే మర్మమై తెలుపుతున్నావా
సరళమైన వేదాంత సిద్ధాంతాలను ఆలోచనలకే అసాధారణ దీక్షగా చూపుతున్నావా   || జన్మిస్తూ ||

మేధస్సే బ్రంహాండమై అంతరిక్షముగా విజ్ఞానాన్ని అధిరోహించును

మేధస్సే బ్రంహాండమై అంతరిక్షముగా విజ్ఞానాన్ని అధిరోహించును
మేధస్సే అనంతమై అసంఖ్యాక విశ్వ వేద విజ్ఞానాన్ని పరిశోధించును

మేధస్సులో కణాలే మహా భావాలతో విశ్వ బ్రంహ విజ్ఞానాన్ని సేకరించును
మేధస్సులో భావాలే మహా తత్వాలతో విశ్వ వేద విజ్ఞానాన్ని అనుసరించును  || మేధస్సే ||

అన్వేషణ మహా పర్యవేక్షణగా సాగించుటలో విజ్ఞానమే మేధస్సుకు నిదర్శనం
పరిశోధన మహా పరిశీలనగా కొనసాగించుటలో ప్రజ్ఞానమే మేధస్సుకు నిర్వచనం

ప్రకృతినే మహా పరిశోధనగా విశ్వ రూప భావాలనే పరిశీలించుటలో మేధస్సుకు బోధనం
ప్రకృతినే పర్యావరణగా జగతి ఆకార తత్వాలనే పర్యవేక్షించుటలో మేధస్సుకు ఉపదేశం  || మేధస్సే ||

అంతరిక్ష ప్రయాణముకై వాహన నిర్మాణ సాంకేతిక విజ్ఞానమే మహా జ్ఞాన ప్రయోగము
గ్రహాంతర విహారముకై ఉపగ్రహ నిర్మాణ ఆధునిక విజ్ఞానమే మహా వేద ప్రయోజనము

ప్రతి క్షణమును అనేక భావాలతో తలచుటలో తెలుసుకొనెను మహా విజ్ఞాన గ్రంథము
ప్రతి క్షణమును అసంఖ్యాక తత్వాలతో తపించుటలో గ్రహించెను మహా జ్ఞాన దైవము  || మేధస్సే || 

ఎవరినో ఎక్కడి వాడినో ఎలా ఉండెదనో తెలియదే నా వేద మనస్సుకు

ఎవరినో ఎక్కడి వాడినో ఎలా ఉండెదనో తెలియదే నా వేద మనస్సుకు
ఎప్పుడు ఎక్కడ ఎలా ఉండగలనో తోచదే నా జీవ జ్ఞాన దేహ మేధస్సుకు  || ఎవరినో ||

పరలోక విశ్వ విధాత ద్వారమున స్వరస్వతిని దర్శించెదను
ఇహలోక విశ్వ విధాత ప్రవేశమున పర బ్రంహను పూజించెదను

బహు మేఘాల గగన పరంపరలలో మహాపర దేవతలనే కొలిచెదను
పాతాళ గంగాజల పరంపరలలో జల దేవ మూర్తులనే స్మరించెదను   || ఎవరినో ||

విశ్వ ప్రకృతి మాతృ మూర్తి భావ తత్వాలనే ధరించెదను
జగతి స్వరూప మహా గుణ ఆకార రూపాలనే తపించెదను

దైవ ప్రభావాల కాల ఋతువుల వసంతములనే స్వీకరించెదను
దేహ జీవముల ఆకార వర్ణ రూపముల కార్యాలతో సాగిపోయెదను   || ఎవరినో || 

ఏనాటిదో రూపం ఎప్పటిదో కాలం ఎంతటిదో జీవం

ఏనాటిదో రూపం ఎప్పటిదో కాలం ఎంతటిదో జీవం
మరవలేని జ్ఞాపకాలతో మర్మమై నాతో సాగుతున్నది

ఎందుకో స్వప్నం ఎవరికో ఊహం ఏనాటికో వాంఛనం
తీరలేని కోరికలతో తీరిపోతున్నది జన్మజన్మల బంధనం  || ఏనాటిదో ||

రూపానికి తేజం లేదుగా కాలానికి కరుణ రాదుగా శ్వాసకు సంతృప్తి అసలే ఉండదుగా
తెలిసిన జ్ఞాపకాలతో సాగుతున్నా హృదయం దుఃఖ సాగరమై కన్నీటితో తెలిపేనుగా

కోరికలు ఎన్నున్నా తీరని ఆశల వాంఛనాలు ఊహలతో స్వప్నాలుగా మిగిలేనులే
ప్రతి జన్మలో కోరికలు ఏవైనా తీరని భావాలతో ఆలోచనలు బంధాలుగా సాగేనులే   || ఏనాటిదో ||

ప్రాణమే ఉన్నా రూపమే జీవిస్తున్నా కాలమే మహా చలనమై సాగేను విశ్వంతో
భావమే ఉన్నా బంధమే సాగుతున్నా తత్వములే యుగాలుగా సాగేను జగంతో

దేహానికి రూపం ఏదైనా కాలంతో సాగే మార్పులు ఏవైనా కోరికలు మనస్సుకే
మేధస్సుకు ఆలోచనలు ఏవైనా సాధనతో సాధించే లక్ష్యాలు హృదయానికే  || ఏనాటిదో ||

ఒక శ్వాస ఒక ధ్యాస ఒకటే జీవం ఒకటే దేహం

ఒక శ్వాస ఒక ధ్యాస ఒకటే జీవం ఒకటే దేహం
ఒకటిగా జీవించే ప్రాణమే ఉచ్చ్వాస నిచ్చ్వాస
ఒకటైన ఊపిరి ప్రవాహం హృదయానికే గమ్యం  || ఒక శ్వాస ||

ప్రతి క్షణం శ్వాసించే ఉచ్చ్వాస నిచ్చ్వాసాల ప్రయాణం
నాభి నుండి నాసికమై హృదయాన్ని ధ్వనింపజేస్తూనే
మేధస్సును భావాల ఆలోచనల చలనంతో సాగిస్తున్నది  

ప్రతి క్షణం శ్వాసతో ఆలోచనల కార్యాలను సాగిస్తూ
కార్యాలపైననే శ్రద్ధ ధ్యాస వహిస్తూ తనకు తానుగా
దేహంలో ఒకటై పరధ్యానంతో జీవిస్తూ సాగుతుంది   || ఒక శ్వాస ||

ఒక శ్వాసతో ఒక ధ్యాసనై పరధ్యాసతో పరమాత్మనై
ఒక జీవంతో ఒక దేహాన్నై పరదేహంతో పరంధామనై
ఒకటిగా ఉచ్చ్వాస నిచ్చ్వాసాలతో పర శ్వాస పరంజ్యోతినై
ఒకటిగా జీవించే హృదయంతో ఊపిరిలా పరిశోధనమైపోయా

ఒకటిగా జన్మించే జీవం దేహంతో ఒక రూపమై
ఒక మేధస్సుతోనే మహా విశ్వాంతర విజ్ఞానమై
ఒక శ్వాసగా దేహంలోనే ఒదిగిపోతూ జీవిస్తున్నది  || ఒక శ్వాస || 

మేధస్సులోనే ఉన్నావు ఆలోచనలలోనే ఉంటావు

మేధస్సులోనే ఉన్నావు ఆలోచనలలోనే ఉంటావు
భావాలనే తెలుపుతున్నావు తత్వాలనే అందిస్తున్నావు
స్వభావాలతో జ్ఞాపకం వస్తూనే స్పందన కలిగిస్తున్నావు   || మేధస్సులోనే ||

జీవించే ప్రతి సమయం ప్రతి ప్రక్రియ భావనతోనే సాగుతున్నది
ఎదిగే ప్రతి జీవన విజ్ఞానం కాలంతో సాగే అనుభవమై వస్తున్నది

నీవు లేని మేధస్సు విజ్ఞానానికే అర్థం లేని విధంగా సాగేను జీవితం
నీవు లేని జీవనం కాలం విలువ తెలియని విధంగా సాగే ప్రయాణం  || మేధస్సులోనే ||

అవసరమై ఉంటావు గుర్తుండి పోతావు తెలిసినది తెలియకనే మాయ చేస్తావు
ఇక్కడే ఉంటావు అర్థాన్నే కలిగిస్తావు జ్ఞాపకాలతో సాగుతూ మరుపే కలిగిస్తావు

నీ కోసం నిరీక్షణ నీతోనే అన్వేషణ నీవెంటే పర్యవేక్షణ నీవు లేక పరిశోధన
నీ కోసం ఆవేదన నీతోనే ఉద్వేగం నీవెంటే సందిగ్ధం నీవు లేక మనోవేదన

నీవు ఎవరో తెలియాలి నీవే 'ఎరుక' అని గుర్తించాలి
నీవే మేధస్సుకు విజ్ఞానమని ప్రతి జీవి గమనించాలి  || మేధస్సులోనే ||

ఏనాటి కాలానిదో మేధస్సు విజ్ఞానముకై సృష్టించబడి ఉన్నది

ఏనాటి కాలానిదో మేధస్సు విజ్ఞానముకై సృష్టించబడి ఉన్నది
ఏ విశ్వ భావానిదో మేధస్సు రూప కల్పన బహు నిర్దిష్టమైనది  

భావ స్వభావాలతో ఆలోచించేలా ఆలోచనలతో పనిచేస్తున్నది
జ్ఞాపకాల తత్వాలతో బంధాలనే దాచుకుంటూ ఆలోచిస్తున్నది   || ఏనాటి ||

ఎవరు సృష్టించారో ఎలా ఆలోచించారో ఏనాడు ఎలా ఎవరికి తోచినదో
ఎంతకాలం పరిశోధించారో ఎన్ని జీవుల మేధస్సులను పరిశీలించారో

మనిషే లేని కాలం ముందే జీవమే లేని కాలం ముందే దేని భావనయే
ప్రకృతిలో కలిగే అనంతమైన సూక్ష్మ మార్పుల ప్రక్రియ పరిశోధనమేనా

ఏ ప్రకృతి ప్రభావాలతో ఏర్పడినదో అనంత భావ స్వభావాల మేధస్సు
ఏ ప్రకృతి తత్వాలతో కేంద్రీకృతమైనదో శిరస్సులో పొదిగిన మేధస్సు  

మేధస్సు ఎంత గొప్పదో ఎంతని మేధస్సే వివరించలేని అనిర్వచనం
మేధస్సు ఎంత విలువైనదో కాలానికే తెలియని మహా మేధాశక్తి తత్వం  || ఏనాటి ||

మేధస్సులతోనే చలనం కదలికల ప్రభావం స్వతహాగా ఆలోచించే భావ తత్వం
ఆలోచనల ఎరుక ప్రభావంతో అర్థాల స్వభావాలతో విజ్ఞానాన్ని గమనించి నేర్చుకోవడం

జ్ఞాపకాలతోనే కార్యాలను సాగిస్తూ ఎన్నో పనిముట్లుగా యంత్రాలుగా ఎన్నో రూపకల్పనలు చేసుకోవడం
కార్యా విషయాలను సూచనల సైగలను చిత్ర లిపి ద్వారా సాగిస్తూ భాషను అర్థంగా వ్యాకరణించుకోవడం

సూది నుండి ఉపగ్రహం దాక ఎన్నో యంత్ర పరికరాల భాషా విజ్ఞానాన్ని పరిశోధిస్తూనే కాలంతో సాగిపోవడం
సాంకేతిక పరిజ్ఞానాన్ని ఎన్నో రకాలుగా మార్పులు చేస్తూ మనిషికి సులువుగా ఉండేలా యంత్రాలతో పనిచేసుకోవడం

మేధస్సులో జ్ఞాపక ధారణ శక్తి ఎంతో అంతులేని విధంగా అనంత విజ్ఞానాన్ని తర తరాలుగా దాచుకోవడం
మేధస్సులో కలిగే లోపాలనను శరీరంలో కలిగే లోపాలను ఎన్నో సూక్ష్మ యంత్రాలతో చికిత్స చేసుకోవడం  || ఏనాటి ||

ఓ సూర్య దేవా! నీ కిరణం లేక విశ్వానికి వెలుగు భావన లేదే

ఓ సూర్య దేవా! నీ కిరణం లేక విశ్వానికి వెలుగు భావన లేదే
ఓ సూర్య దేవా! నీ తేజము లేక జగతికి మెలకువ భావన రాదే  || ఓ సూర్య దేవా! ||

ప్రజ్వలమై ప్రసరించే నీ కిరణాల తేజములు లోకానికే వెలుగులు
ప్రకాశమై ఉద్భవించే ఆకాశ మేఘాల వర్ణాలే లోకానికి ఉత్తేజములు

చూపేలేని జీవులకు ఉత్తేజాన్ని కలిగించే మర్మ లోక భావన నీ చలన కార్యమే
చలనమే లేని వృద్దులకు శ్వాసను సాగించే కాల స్వభావన నీ ధ్యాన గమనమే  || ఓ సూర్య దేవా! ||

సువర్ణము వలే ప్రకాశించే నీ కిరణాల కాంతులు నేత్ర విజ్ఞాన మేధస్సులో మెలకువలు
అసంఖ్యాక వర్ణములచే ప్రజ్వలించే నీ రూప భావాలు ఉత్తేజ ప్రేరణల కార్య కలాపాలు

విశ్వమై వెలిగే నీ రూపం దేశమై ఉదయించి విదేశమై అస్తమించేను
జగమై జ్వలించే నీ దేహ భావం కాలంతో ప్రయాణమై ప్రజ్వలించేను  || ఓ సూర్య దేవా! ||