మరణమిదే మనస్సు తలచిన సమయమిదే

మరణమిదే మనస్సు తలచిన సమయమిదే
మేధస్సుకే తెలిసి తెలియని భావ తత్వమిదే

జీవమిదే శ్వాస తపించిన ఉచ్చ్వాస నిచ్ఛ్వాస ఇదే
దేహమిదే హృదయం తెలిపే పర ధ్యాన గమనమిదే   || మరణమిదే ||

ఏనాడో జన్మించిన కాలం మరణాన్నే మరచిన సమయం ఏదో
ఏనాడో తలచిన మరణం ఏనాటికో తెలియని సందర్భం ఏదో

జీవించే శ్వాసపై ధ్యాసతో గమనమై జీవించేస్తున్నా
తపించే హృదయమే ధ్యాన గమ్యమై ప్రయాణిస్తున్నా   || మరణమిదే ||

తెలియనివి ఎన్నో తెలియుట కొరకే తపనమే సాగుతున్నది
తెలిసినవి ఎన్నో తెలుపుట కోసమే తరుణమే వెళ్ళుతున్నది

ఎన్నెన్నో నేర్చిన వన్నీ మరణ సమయాన్ని తపించలేదే
ఎన్నెన్నో మరచిన వన్నీ మరణ భావత్వాన్ని తెలుపలేదే   || మరణమిదే || 

నేను ఎవరో నీవు ఎవరో ఎవరు ఎవరిని ఏమని తలచేది

నేను ఎవరో నీవు ఎవరో ఎవరు ఎవరిని ఏమని తలచేది
నేను ఎవరో నీవు ఎవరో ఎవరికి ఎవరు ఏమని స్మరించేది
నేను ఎవరో నీవు ఎవరో ఎవరితో ఎవరు ఏమని అర్పించేది  || నేను ||

నీవు నేను ఒకటిగా తలచినా కాలంతో ఎవరు స్మరించేది
నీవు నేను ఒకటిగా తపించినా భావంతో ఎవరు వరించేది
నీవు నేను ఒకటిగా తెలిపినా వేదంతో ఎవరు స్వీకరించేది  || నేను ||

నీవే నేనై ఒకటిగా దేహమై స్మరించినా నిత్యం ఎవరు వహించేది
నీవే నేనై ఒకటిగా ధర్మమై వరించినా సత్యం ఎవరు అర్పించేది  
నీవే నేనై ఒకటిగా దైవమై తపించినా సర్వం ఎవరు తిలకించేది  || నేను ||

నిద్రించలేదు ఎన్నడూ మరవలేదు ఎప్పుడూ

నిద్రించలేదు ఎన్నడూ మరవలేదు ఎప్పుడూ
మరణించలేదు ఎన్నడూ అస్తమించలేదు ఎప్పుడూ

భావాలతోనే స్మరిస్తున్నా జ్ఞాపకాలతోనే  జీవిస్తున్నా ఎల్లప్పుడూ
తత్వాలతోనే స్పర్శిస్తున్నా వేదాలతోనే గమనిస్తున్నా ఎల్లప్పుడూ   || నిద్రించలేదు ||

రూపంతోనే ఉదయిస్తున్నా దేహంతోనే ధ్యానిస్తున్నా
జ్ఞానంతోనే విశ్వసిస్తున్నా దైవంతోనే ప్రయాణిస్తున్నా

శ్వాసతోనే తపిస్తున్నా ధ్యాసతోనే పరిశోధిస్తున్నా
కోరికతోనే శ్రమిస్తున్నా ఎరుకతోనే విలపిస్తున్నా   || నిద్రించలేదు ||

కాలంతోనే సమర్పిస్తున్నా జీవంతోనే అర్పిస్తున్నా
వర్ణంతోనే నివసిస్తున్నా ప్రాయంతోనే వచ్చేస్తున్నా

విశ్వతితోనే గడిపేస్తున్నా జగతితోనే విహరిస్తున్నా
జనతితోనే పనిచేస్తున్నా ప్రకృతితోనే ఎదిగేస్తున్నా  || నిద్రించలేదు ||

ఏమిటో నీ ధ్యాస ఏమిటో నీ శ్వాస

ఏమిటో నీ ధ్యాస ఏమిటో నీ శ్వాస
తెలియని తొలి ఉచ్చ్వాస తెలుపని తొలి నిచ్ఛ్వాస
తరతరాలుగా సాగే జీవ భావ దేహ ధ్యాన మంత్రమే   || ఏమిటో ||

వేదమై వచ్చిందో విజ్ఞానమై సాగిందో మర్మమై దాగినది మేధస్సులో
గానమై పలికిందో స్వరమై పిలిచిందో భావమై వచ్చినది దేహములో

ఉచ్చ్వాసగా సాగినా నిచ్చ్వాసగా నిలిపినా శ్వాసగా సాగుతున్నది ప్రతి జీవిలో
ఊపిరిగా ఉంటున్నా స్వధ్యాసగా వస్తున్నా శ్వాసగా ఆడుతున్నది ప్రతి జీవిలో  || ఏమిటో ||

భావమై వచ్చిందో స్వభావమై నిలిచిందో మంత్రమై స్మరిస్తున్నది దేహములో
జీవమై వెలసిందో దైవమై ఒదిగిందో తంత్రమై విస్మరిస్తున్నది హృదయములో

ప్రాణంగా ఎదిగినా కాలంతో ఒదిగినా శ్వాసగా జీవిస్తున్నది ప్రతి అణువులో
ప్రాయంగా సాగినా సమయంతో వచ్చినా శ్వాసగా వరిస్తున్నది ప్రతి అణువులో  || ఏమిటో || 

ఏ శ్వాసతో జీవించాలి ఏ ధ్యాసతో గమనించాలి

ఏ శ్వాసతో జీవించాలి ఏ ధ్యాసతో గమనించాలి
ఏ భాషతో పలికించాలి ఏ ఆశతో మెప్పించాలి

కాలమే భావాలను తెలిపినా తెలియని స్వభావాలు మనలోనే ఎన్నో  || ఏ శ్వాసతో ||

శ్వాసలోనే ఉందా ఉచ్చ్వాస ధ్యాసల నిచ్ఛ్వాసాల గమనం
భాషలోనే ఉందా పలికే ఆశల స్వర స్వభావాల గానామృతం

ధ్యానంతో శ్వాసించినా పర ధ్యాసతో గమనించినా తెలియని అభిరుచులు ఎన్నో
వేదాలతో తిలకించినా భావాలతో తపించినా తెలియని అనురాగ శృతులు ఎన్నో  || ఏ శ్వాసతో ||


మోహమే మౌనమై దేహమే లీనమై ఉచ్చ్వాస నిచ్ఛ్వాస ధ్యాసలతోనే జీవన గమనం
రాగమే వేదమై స్వరమే భావమై భాషయే వరమై ఆశలతోనే శృతి జీవిత ప్రయాణం

కాలంతో సాగినా తపించే భావాలు మేధస్సులోనే మిగిలిపోయిన స్వర శృతులు ఎన్నో
వేదంతో సాగినా వేదాల స్వభావాలు ఆలోచనలలో కలిగే నవ ఊహల భావాలు ఎన్నో   || ఏ శ్వాసతో ||

కలలే కంటున్నావా కథలే వింటున్నావా

కలలే కంటున్నావా కథలే వింటున్నావా
ఊహలే చేస్తున్నావా ఆలోచనలే గమనిస్తున్నావా

కలలైనా కథలైనా విజ్ఞానం ఉందని తెలుసుకున్నావా
ఊహలైనా ఆలోచనలైనా భావం ఏమని తెలుపుకున్నావా   || కలలే ||

కన్నులకే తెలియని కలలు కంటున్నా కాలం ఆగదులే
చిత్రాలకే తెలియని కథలు చెపుతున్నా సమయం నిలవదులే

వేదాలకే తెలియని ఊహలు చేస్తున్నా గమనం ఒదగదులే
భావాలకే తెలియని ఆలోచనలు వస్తున్నా కార్యం చేరదులే   || కలలే ||

కలలన్నీ కన్నులకు తెలియని మేధస్సులో కలిగే చిత్ర భావాలే
కథలన్నీ కన్నులకు కనిపించని మేధస్సులో కలిగే చిత్ర రూపాలే

ఊహలన్నీ చెవులకు వినిపించని మేధస్సులో కదిలే చిత్ర స్వభావాలే
ఆలోచనలన్నీ వరుసకు చేరని మేధస్సులో కదిలే చిత్ర భావ తత్వాలే   || కలలే ||

అనగా అనగా నేడే వినగా వినగా

అనగా అనగా నేడే వినగా వినగా
ఒక రోజు ఏదో కథగా తెలిసేనే

అనగా అనగా ఎప్పుడో వినగా వినగా
ఏదో ఒక రోజు మన జీవితంగా మారేనే   || అనగా ||

కథలే కాలంగా జీవితమే కోరికల ప్రయాణమై సాగంగా
కలలే కాలంగా కథలే స్వభావాల మార్గమై కొనసాగంగా

ఊహలు ఎన్నో తీరని ఆశల కథలుగా సాగేనే
కలలు ఎన్నో నెరవేరని భావాల కథలుగా సాగేనే  

వింటున్నా కథనాలన్నీ కంటికే రూపమై తెలిసేనా
జీవించే జీవితాలన్నీ మేధస్సుకే ఆకారమై తెలిపేనా || అనగా ||

జీవితాలే కథలుగా నేర్చుకునే పాఠాలుగా వస్తూనే తెలిసేను ఎన్నో తీరికగా
కథలే జీవితాలుగా మార్చుకునే కళలుగా వెళ్తూనే తెలిపేను ఎన్నో ఓపికగా

కథలన్నీ విజ్ఞానంగా సాగేలా జీవితాలను గర్వంగా మళ్లించగా
కలలన్నీ కారణంగా సాగేలా జీవితాలను గొప్పగా మార్చంగా

కలలు కథలు ఊహలు జీవితాలు ఒకటై సాగేనా
భావాలు స్వభావాలు తత్వాలు కోరికలు ఒకటై సాగేనా   || అనగా || 

కాలం ఆగని క్షణమై సమయం నిలవని భావమై

కాలం ఆగని క్షణమై సమయం నిలవని భావమై
జీవం తెలియని స్వభావమై రూపం ఎదగని దేహమై
విశ్వంతో పోరాటం దైవంతో ఆరాటం కలుగుతున్నదే  || కాలం ||

కాలం నీదని సాగినా సమయం ఏదో ఓ క్షణమున నిన్ను ఆపేనులే
దైవం నీదని వెళ్ళినా అధర్మం ఏ సందర్భమైన నిన్ను నిలిపేనులే

కాలం దైవం మన వెంటే ఉన్నా సమయం అధర్మం మన చుట్టూ ఆవహించునులే
కాలం దైవం మన తోనే ఉన్నా ఏ క్షణమైనా సందర్భం మన కోసం సంభవించేనులే   || కాలం ||

కాలంతోనే సాగినా మన సమయం ఎప్పటికైనా విశ్వ కాలాన్ని చేధించేనులే
సమయంతోనే సాగినా మన సందర్భం ఏ క్షణమైనా జీవ తత్వాన్ని మార్చేనులే

దైవమే కాలమై సందర్భం సమయస్ఫూర్తిగా సాగినా క్షణాలే అమృత కార్యమగునులే
క్షణాలే సమయమై దైవమే జీవత్వమై ఎదిగినా కాలమే అమోఘమై ప్రయాణించేనులే   || కాలం || 

శ్వాసతో జీవమై హృదయంతో ఊపిరివై రూప దేహాన్ని కాలంతో సాగిస్తున్నావా

శ్వాసతో జీవమై హృదయంతో ఊపిరివై రూప దేహాన్ని కాలంతో సాగిస్తున్నావా
ఉచ్చ్వాసతో ఉదయిస్తూ నిచ్చ్వాసతో అస్తమిస్తూ విశ్వ జగతిలా జీవిస్తున్నావా  || శ్వాసతో ||

ప్రతి జీవిలో శ్వాసగా జీవమై ఊపిరితో జీవిస్తున్నావా
ప్రతి జీవిలో ధ్యాసగా జీవమై భావంతో సాగుతున్నావా

భావాలతో సాగే దేహాలను వేద తత్వాలతో సాగిస్తున్నావా
బంధాలతో సాగే రూపాలను అనురాగాలతో నడిపిస్తున్నావా  || శ్వాసతో ||

ప్రతి జీవికి ప్రాణం శ్వాసేనని దేహానికి హృదయం అతికించావా
ప్రతి జీవికి ఆహారం ధ్యాసేనని రూపానికి ఉదరాన్ని చేర్పించావా

శ్వాసలోనే ఉన్నస్పర్శా భావాల దేహ చలనముకై మేధస్సును చేర్చావా  
ఊపిరిలోనే ఉన్న భావ స్వభావాల తత్వాలకై ఆలోచనలనే కల్పించావా  || శ్వాసతో || 

విడిచిపో నీ రూపాన్ని మరచిపో నీ విజ్ఞానాన్ని మరణంతో

విడిచిపో నీ రూపాన్ని మరచిపో నీ విజ్ఞానాన్ని మరణంతో
నడిచిపో నీ గమ్యాన్ని తలచిపో నీ గౌరవాన్ని సజీవంతో    || విడిచిపో ||

జీవించే కాలం తెలుసుకునే సమయం మన జీవితానికే
నడిపించే కార్యం సాగించే సహనం మన జీవన వృద్ధికే

ఎంత కాలం జీవిస్తున్నా మన ఆకార రూపం తరుగునని
ఎంత జ్ఞానం పొందుతున్నా మన అనుభవం చాలదని   || విడిచిపో ||

ఉన్నప్పుడే కాస్త తీరిక చేసుకో ఉన్నంతలో ఊపిరి పీల్చుకో
ఉన్నట్లుగా జీవం సాగించుకో ఉంటూనే ఊహను చూసుకో

ఉదయించేది ఏదైనా అస్తమించేనని జన్మించిన నీకు మరణం తప్పదని
నీకోసం ఉన్నది ఏదైనా సొంతం కాదని సంపాదన ఖర్చులకే పరిమితమని   || విడిచిపో || 

కాలమా భావమా తెలియని గమనమా

కాలమా భావమా తెలియని గమనమా
వేదమా జ్ఞానమా తెలియని తరుణమా

మానవ జీవితానికే తెలియని బంధమా
మేధస్సున ఆలోచనకే తెలియని స్వభావమా!   || కాలమా ||

గాలి ఏ వైపు వీచినా కాలం ప్రతి దేశాన సాగెనే
నీరు ఏ వైపు ప్రవహించినా సముద్రాన్ని చేరెనే

సత్యం ఎక్కడ ఉన్నా ధర్మం అక్కడే రక్షింపబడేనని
విజ్ఞానం ఎక్కడ ఉన్నా అభివృద్ధి అక్కడే సాధ్యమని  || కాలమా ||

స్నేహం సంతోషం ఎక్కడ ఉంటే అక్కడే ప్రేమ బంధాలు చిగురించేనని
భావన ఆలోచన స్వభావాలు ఉంటే వేద విజ్ఞాన తత్వాలు ఉదయించేనని

కాలం ఎలా సాగిపోతున్నా తెలియని స్వభావాలు కొత్తగా పరిచయమయ్యేనులే
విజ్ఞానం ఎలా తెలుసుకున్నా తెలియని వేదాల అనుభవాలు వింతగా తోచేనులే  || కాలమా || 

ఏనాటిదో శూన్యం ఏనాటిదో ఆద్యంతం

ఏనాటిదో శూన్యం ఏనాటిదో ఆద్యంతం
ఆది నుండి తుది వరకు అంతం అనంతం
క్షణము నుండి సమయం కాలంతో ప్రయాణం  || ఏనాటిదో ||

శూన్యము నుండే ఉద్భవించినది మహా రూప నిర్మాణం
శూన్యము నుండే ప్రబలించినది అసంఖ్యాక వర్ణ రూపం
శూన్యము నుండే అంతర్భవించినది రూపాంతరం మర్మం

కాలంతో ఆకారాలు ప్రభావితమౌతూ ఎన్నో అనంతమైన రూపాలుగా వెలిసేను
కాలంతో రూపాలు పరిశోధనమౌతూ ఎన్నో అసంఖ్యాక వర్ణాలుగా ప్రజ్వలించేను
కాలంతో పరిసరాలు ప్రాముఖ్యతమౌతూ ఎన్నో అనేక స్వభావాలుగా ఉదయించేను  || ఏనాటిదో ||

శూన్యమే సామర్థ్యమై స్థానమే మూలమై
ఊష్ణమే రూపాంతర బీజమై ప్రభావమే ఆకార నిర్మాణమై
ఆత్మయే జీవమై కాలమే ఎదిగే మహా కార్యమై ఆరంభమైనదే మన బ్రంహాండం

శూన్యము మహా సామర్థంతో మహా నిర్దిష్టమైన కాల ప్రణాళికతో అనేక వివిధ కార్యాలతో
ఎన్నో రూపాలుగా ఆకారాలుగా భావ స్వభావాలుగా తత్వాలుగా ప్రభావితమౌతున్నది

ఆది శూన్యము నుండి నేటి అనంతము వరకు కాల జ్ఞాన వేద విశ్వ విజ్ఞానము తుది లేని భవిష్యత్ కు సాగుతున్నది  || ఏనాటిదో || 

ఏదో చూస్తూ ఉన్నా తోచదులే నా మదిలో

ఏదో చూస్తూ ఉన్నా ఏది తోచదులే నా మదిలో
ఏదో చేస్తూ ఉన్నా ఏది కలగదులే నా యదలో
ఏదో వింటూ ఉన్నా ఏది నిలవదులే నా దేహంలో

ఏదేదో చేయాలని ఎంతో నేర్చుకోవాలని అనుకున్నా నేనే నా మేధస్సులో ఎంతో గొప్పగా  || ఏదో చూస్తూ ||

ఎప్పటి దాకా చూస్తానో ఎంత వరకు చేస్తానో ఏదైనా వింటానో తెలియదులే తుది వరకు
చూసింది ఎప్పటిదో చేసింది ఏనాటిదో విన్నది ఏమైనదో తెలియదులే ఏ చివరి వరకు

జ్ఞాపకాల విజ్ఞానంతో మరవలేని జ్ఞానంతో ఏదో తెలియని కార్యాలతో సాగేను నా ప్రయత్నం
అనుభవాల నిర్ణయంతో ఏదో పరిష్కారంతో అధ్యాయాలుగా కార్యాలతో సాగేను నా విజయం  || ఏదో చూస్తూ ||

నా కార్యాలకు ఏ విఘ్నం కలిగినా అభ్యంతరం లేదని నాలో కలిగే భావాలే తెలిపేను పరమార్థం
నా సమస్యలకు ఆటంకం వచ్చినా అనర్థం జరిగినా నాలో నిలిచే ఆలోచనలే తెలిపేను పరమాత్మం

ఏ కాలం ఏ విజ్ఞానాన్ని తెలుపుతుందో మేధస్సుకే పరీక్షగా ఆలోచనలకే సమస్యగా తోచే గమనం
ఏ సమయం ఏ అనుభవాన్ని సూచిస్తుందో మేధస్సుకే దీక్షగా భావాలకే కఠినంగా తోచే తరుణం  || ఏదో చూస్తూ || 

సూర్యుడు నీవే చంద్రుడు నీవే

సూర్యుడు నీవే చంద్రుడు నీవే
విశ్వ జగతికి చీకటి వెలుగువు నీవే
లోకాలన్నింటికి భావాల తత్వం నీవే

ఏ దేహమైన ఏ జీవమైన ఉదయిస్తూ అస్తమించేది నీవే
ఏ రూపమైన ఏ ఆకారమైన ఎదుగుతూ ఒదుగుతున్నది నీవే || సూర్యుడు ||

అణువైనా నీ రూపమే పరమాణువైనా నీ ఆకారమే పరిశోధించే ఏ సూక్ష్మమైన నీ స్వభావత్వమే
తెలియని మర్మం తెలిసిన తంత్రం సృష్టించిన ఏ జీవ యంత్రమైనా నీలో దాగిన మంత్రమే

మేధస్సులో దాగిన విజ్ఞానం నీవే కలలతో సాగే ఊహల భావ స్వభావాలు నీవే
కాలంతో సాగే జనన మరణాలు నీవే సమయంతో సాగే అజ్ఞాన విజ్ఞానాలు నీవే  || సూర్యుడు ||

నీవు లేని భావం ఏదైనా శూన్యమే
భావం లేనిది ఏదైనా మహా శూన్యమే
ఏమి లేని భావం సంపూర్ణమైన శూన్యమే
ఏమి తోచని భావం పరిశుద్ధమైన శూన్యమే  || సూర్యుడు ||

అమ్మవై జీవించవా అమ్మమ్మవై జీవించవా

అమ్మవై జీవించవా అమ్మమ్మవై జీవించవా
తరతరాల యుగాలకు తల్లివై వందేళ్ళు జీవించవా
తల్లిగా నీవే ప్రతి క్షణం మమకారంతో ఆరాటం చెందవా  || అమ్మవై ||

విశ్వ జగతికే నీవు మాతృ మూర్తిగా అవతరించావుగా
లోకానికే నీవు సృష్టి తత్వాన్ని అమ్మగా నింపుకున్నావుగా

నీ సేవకు పర బ్రంహయే కరుణించగా దైవత్వమే ఉప్పొంగేనుగా
నీ ప్రేమకు పరమాత్మయే ఆత్మగా నీలో దర్శించి జన్మించేనుగా

తల్లిగా జన్మనే ఇచ్చి ఎన్నో బంధాలనే ఇచ్చావుగా
మహా తల్లిగా జీవించి ఎన్నో అనురాగాలనే తెలిపావుగా

బంధాలతో సమాజంలో గౌరవాన్ని కల్పించావుగా
సంబంధాలతో కుటుంబంలో బాధ్యతనే చూపావుగా   || అమ్మవై ||

మాతగా నిన్నే కొలిచేలా మహా దైవ శక్తిని పంచావుగా
మహాత్మగా నిన్నే ఆదరించేలా విజ్ఞానాన్ని నేర్పావుగా

మాతృత్వంతో మానవ హృదయాన్ని విశ్వానికే చాటావుగా
మహా భావత్వంతో మానవ దేహాన్ని జగతికే అర్పించావుగా  

ప్రకృతియే నీ పర భావ తత్వమని పరిశోధన కలిగించావుగా
జీవమే నీ పర దేహ స్వరూపమని లోకానికే చూపించావుగా  

ఎప్పటి నుండో అమ్మగా ఒదిగిపోయి అమ్మమ్మగా ఎదిగావుగా
ఎప్పటి నుండో ఎప్పటి వరకో అమ్మగా కాలంతో సాగుతున్నావుగా  || అమ్మవై ||

ప్రతి జీవికై వెలిగే ప్రజ్వల జ్యోతి ఉజ్వలమైన ఆత్మ పరంజ్యోతి స్వరూపమే

ప్రతి జీవికై వెలిగే ప్రజ్వల జ్యోతి ఉజ్వలమైన ఆత్మ పరంజ్యోతి స్వరూపమే
ప్రతి అణువుకై నిలిచే నిశ్చలమైన ఆత్మ జ్యోతి పరిపూర్ణ ప్రజ్ఞాన స్వరూపమే  || ప్రతి జీవికై ||

ప్రతి జీవిలో ఓ మహా శక్తి జీవమై ఉచ్చ్వాస నిచ్చ్వాసాలతో జీవితాన్ని సాగిస్తున్నది
ప్రతి అణువులో ఓ మహా శక్తి నిశ్చలమై పరధ్యాస ధ్యానముతో రూపాన్ని సాగిస్తున్నది

ప్రతి జీవి ఓ మహా జ్ఞానిగా ఆత్మ పర శక్తిగా తన జీవితాన్ని తరతరాలుగా సాగిస్తుంది
ప్రతి అణువు ఓ మహా రూప శక్తిగా ప్రయోజనాత్మకంగా జీవితాన్ని కాలంతో సాగిస్తుంది  || ప్రతి జీవికై ||

ప్రతి జీవి మరణిస్తుంది మరణం జన్మలకు స్వాగతం పలుకుతుంది
జీవం ప్రకృతిలోను మరియు సకల జీవరాసులలోను శ్వాసతో ఉంటుంది

అణువులు వివిధ రకాలుగా కాలంతో రూపాంతరం చెందుతూ ఉంటాయి
కొన్ని అణువులు క్షీణిస్తాయి మరి కొన్ని దీర్ఘ కాలంతో సాగుతూ ఉంటాయి
అణువులలో నిర్జీవం ఉన్నా కొన్ని రూపాలు దీర్ఘ కాలంతో నిలిచి ఉంటాయి  || ప్రతి జీవికై || 

ఏనాటిదో రూపం ఎప్పటిదో కాలం ఎంతటిదో జీవం

ఏనాటిదో రూపం ఎప్పటిదో కాలం ఎంతటిదో జీవం
మరవలేని జ్ఞాపకాలతో మర్మమై నాతో సాగుతున్నది

ఎందుకో స్వప్నం ఎవరికో ఊహం ఏనాటికో వాంఛనం
తీరలేని కోరికలతో తీరిపోతున్నది జన్మజన్మల బంధనం  || ఏనాటిదో ||

రూపానికి తేజం లేదుగా కాలానికి కరుణ రాదుగా శ్వాసకు సంతృప్తి అసలే ఉండదుగా
తెలిసిన జ్ఞాపకాలతో సాగుతున్నా హృదయం దుఃఖ సాగరమై కన్నీటితో తెలిపేనుగా

కోరికలు ఎన్నున్నా తీరని ఆశల వాంఛనాలు ఊహలతో స్వప్నాలుగా మిగిలేనులే
ప్రతి జన్మలో కోరికలు ఏవైనా తీరని భావాలతో ఆలోచనలు బంధాలుగా సాగేనులే   || ఏనాటిదో ||

ప్రాణమే ఉన్నా రూపమే జీవిస్తున్నా కాలమే మహా చలనమై సాగేను విశ్వంతో
భావమే ఉన్నా బంధమే సాగుతున్నా తత్వములే యుగాలుగా సాగేను జగంతో

దేహానికి రూపం ఏదైనా కాలంతో సాగే మార్పులు ఏవైనా కోరికలు మనస్సుకే
మేధస్సుకు ఆలోచనలు ఏవైనా సాధనతో సాధించే లక్ష్యాలు హృదయానికే  || ఏనాటిదో ||

ఓ సూర్య దేవా! నీ కిరణం లేక విశ్వానికి వెలుగు భావన లేదే

ఓ సూర్య దేవా! నీ కిరణం లేక విశ్వానికి వెలుగు భావన లేదే
ఓ సూర్య దేవా! నీ తేజము లేక జగతికి మెలకువ భావన రాదే  || ఓ సూర్య దేవా! ||

ప్రజ్వలమై ప్రసరించే నీ కిరణాల తేజములు లోకానికే వెలుగులు
ప్రకాశమై ఉద్భవించే ఆకాశ మేఘాల వర్ణాలే లోకానికి ఉత్తేజములు

చూపేలేని జీవులకు ఉత్తేజాన్ని కలిగించే మర్మ లోక భావన నీ చలన కార్యమే
చలనమే లేని వృద్దులకు శ్వాసను సాగించే కాల స్వభావన నీ ధ్యాన గమనమే  || ఓ సూర్య దేవా! ||

సువర్ణము వలే ప్రకాశించే నీ కిరణాల కాంతులు నేత్ర విజ్ఞాన మేధస్సులో మెలకువలు
అసంఖ్యాక వర్ణములచే ప్రజ్వలించే నీ రూప భావాలు ఉత్తేజ ప్రేరణల కార్య కలాపాలు

విశ్వమై వెలిగే నీ రూపం దేశమై ఉదయించి విదేశమై అస్తమించేను
జగమై జ్వలించే నీ దేహ భావం కాలంతో ప్రయాణమై ప్రజ్వలించేను  || ఓ సూర్య దేవా! ||

ఎందరో ప్రయాణం ఎక్కడికో ప్రయాణం

ఎందరో ప్రయాణం ఎక్కడికో ఆగలేని ప్రయాణం
ఎప్పటి నుండి ఎప్పటి వరకో తెలియని ప్రయాణం
ఎవరు ఎవరిని కలిసెదరో ఎవరు ఎవరిని చూసెదరో
ఎవరికి ఎవరు తెలియనివారు ప్రయాణంలో ఎందరో
ఎంతో అలసట ఎంతో ప్రయాస ప్రతిరోజు ప్రయాణం
ప్రతి క్షణం ఏదో చేయాలని కాలంతో ఎంతో ప్రయాణం  || ఎందరో ||

ప్రయాణంతో సాగే ప్రతి జీవి చలనం ఆహారం కోసమే
ప్రయాణంతో సాగే ప్రతి మనిషి జ్ఞానం విజ్ఞానం కోసమే

ప్రయాణంతో పరిచయాలు బంధాలు ఎన్నో కలిసేనే
ప్రయాణంతో ఎన్నో దేశ విదేశాలు ఒకటై పోవునేమో

ప్రయాణమే జీవితం ప్రయాణంతోనే జీవనం
ప్రయాణమే జ్ఞానం ప్రయాణంతోనే విజ్ఞానం   || ఎందరో ||

ప్రయాణం తెలిపే అనుభవాలే భవిష్యత్ కు ఎన్నో మార్గాలు
ప్రయాణం చూపే ఎన్నో విధానాలే రేపటికి ఎన్నో మార్పులు

ప్రయాణంలో సరికొత్త భాష సరికొత్త జీవితాల సాంప్రదాయం
ప్రయాణంలో సరికొత్త ధ్యాస సరికొత్త పదాల జీవన నిర్వచనం

ప్రయాణమే ప్రయత్నమైతే ప్రతిఫలమే విజయం
ప్రయాణమే పరిశోధనైతే అభివృద్ధే మహా విజయం  || ఎందరో ||

ప్రకృతిలో జీవించే పరంధామవు నీవే ప్రభూ

ప్రకృతిలో జీవించే పరంధామవు నీవే ప్రభూ
ప్రకృతిలో జన్మించిన పరంజ్యోతివి నీవే ప్రభూ
ప్రకృతిలో ఎదిగిన ఆత్మ పరమాత్మవు నీవే ప్రభూ  || ప్రకృతిలో ||

ప్రకృతిని అభివృద్ధి చేసే పరతత్వ పరలోక పరజీవి నీవే
ప్రకృతిని రక్షించే పరదేహ పరదైవ పరకాంతి తేజానివి నీవే

ప్రకృతిలో పూచే పుష్పాల సుమగంధాలన్నీ జీవులకు అర్పించేది నీవే
ప్రకృతిలో కాచే ఆహార ధాన్య ఫలములన్నీ జీవులకు సమర్పించేది నీవే   || ప్రకృతిలో ||

ప్రకృతిలోని భావాలన్నీ కాలంతో కలిగింపజేసేది నీవే
ప్రకృతిలోని తత్వాలన్నీ కాలంతో సంభవింపజేసేది నీవే

ప్రకృతిలో కలిగే  ప్రకోపాల ప్రబలత్వాన్ని చాటేది నీవే
ప్రకృతిలో జరిగే ప్రకృత్యాల ప్రమేయత్వాన్ని చూపేది నీవే   || ప్రకృతిలో ||