ఏమిటో నీ ధ్యాస ఏమిటో నీ శ్వాస

ఏమిటో నీ ధ్యాస ఏమిటో నీ శ్వాస
తెలియని తొలి ఉచ్చ్వాస తెలుపని తొలి నిచ్ఛ్వాస
తరతరాలుగా సాగే జీవ భావ దేహ ధ్యాన మంత్రమే   || ఏమిటో ||

వేదమై వచ్చిందో విజ్ఞానమై సాగిందో మర్మమై దాగినది మేధస్సులో
గానమై పలికిందో స్వరమై పిలిచిందో భావమై వచ్చినది దేహములో

ఉచ్చ్వాసగా సాగినా నిచ్చ్వాసగా నిలిపినా శ్వాసగా సాగుతున్నది ప్రతి జీవిలో
ఊపిరిగా ఉంటున్నా స్వధ్యాసగా వస్తున్నా శ్వాసగా ఆడుతున్నది ప్రతి జీవిలో  || ఏమిటో ||

భావమై వచ్చిందో స్వభావమై నిలిచిందో మంత్రమై స్మరిస్తున్నది దేహములో
జీవమై వెలసిందో దైవమై ఒదిగిందో తంత్రమై విస్మరిస్తున్నది హృదయములో

ప్రాణంగా ఎదిగినా కాలంతో ఒదిగినా శ్వాసగా జీవిస్తున్నది ప్రతి అణువులో
ప్రాయంగా సాగినా సమయంతో వచ్చినా శ్వాసగా వరిస్తున్నది ప్రతి అణువులో  || ఏమిటో || 

ప్రతి అణువులో ఆత్మగా జీవం ఉంటే

ప్రతి అణువులో ఆత్మగా జీవం ఉంటే
ప్రతి పరమాణువులో పరమాత్మగా సజీవం ఉంటే
ప్రకృతి పరంధామమే విశ్వం పరధ్యానమే జగతి జీవత్వమే  || ప్రతి అణువులో ||

అణువే ఆత్మ జ్ఞానమైతే పరమాణువే పరమాత్మ విజ్ఞానంగా తోచేనుగా
అణువే ఆకృతి ఐతే పరమాణువే వికృతి ఐతే  ప్రజ్ఞానంగా పరజ్ఞానమే

అణువులోనే జీవ భావ స్వభావాలు మహోదయ తత్వమై ఉదయించునే
పరమాణువులోనే సజీవ సూక్ష్మ స్వభావాలు మహా తత్వమై ప్రజ్వలించునే   || ప్రతి అణువులో ||

అణువులో జీవం అనుభవమైతే పరమాణువులో సజీవం సమన్వయ భావమే
అణువులో పరమాణువే పరధ్యానమైతే ఆత్మలో పరమాత్మయే పరలీనత్వమే

అణువుగా దర్శించే రూపం విజ్ఞానమైతే పరమాణువుగా వీక్షించే భావం ప్రజ్ఞానమే
అణువే అపురూపమైతే పరమాణువే స్వరూపమైతే ఆత్మ పరమాత్మ విశ్వ రూపమే   || ప్రతి అణువులో || 

అణువై అర్థాన్ని కలిగిస్తూ పరమాణువై పరమార్థాన్ని కలిగించేవా

అణువై అర్థాన్ని కలిగిస్తూ పరమాణువై పరమార్థాన్ని కలిగించేవా
దేహాన్ని దైవంగా సత్యాన్ని వేదంగా నిత్యం తెలుపుతూ భోధించేవా   || అణువై ||

ప్రతి అణువు ఓ పర బ్రంహగా ప్రతి పరమాణువు పర విష్ణువుగా పర జీవం ఓ మహా పరమేశ్వరమే
ప్రతి భావం ఓ పర ధ్యానంగా పర తత్వం పర వేదంగా పర దైవాన్ని ఓ మహా సత్యంగా తెలిపేవులే

పరమాణువుల సమూహ చైతన్యాన్ని ఆకార రూప నిశ్చల పరమార్థంగా అణువును చూపెదవు
పరమాణువుల సమూహాన్ని ఆకార రూపంగా ధృడాత్మక స్వభావత్వంతో అణువుగా మార్చెదవు  || అణువై ||

మహా పరమాణువుల స్నేహమే సమైక్యమైన సమన్వయ గుణ భావాల అణువు రూపం
మహా పరమాణువుల సమైక్య స్వభావత్వమే ఏకాభిప్రాయ లక్షణమైన అణువు ఆకారం

వివిధ స్వభావాల అణువులే మహా రూపంగా నిర్మాణమై నవ ఆకారాన్ని దాల్చేను
వివిధ రకాల అణువులే మహా ఆకారంగా నిర్మాణమై నూతన రూపాన్ని ధరించేను  || అణువై || 

జీవం ఉన్న రూపంలో మేధస్సు ఉందా

జీవం ఉన్న రూపంలో మేధస్సు ఉందా
మహా జీవం ఉన్న మేధస్సులో వేద విజ్ఞానం ఉందా
నిశ్చలమైన ఆకారంలో తత్వం ఉందా
మహా ఆకారం ఉన్న తత్వంలో స్వభావత్వం ఉందా   || జీవం ||

జీవమే రూపమై స్వధ్యాస భావాలతో సంచలనమై జీవిస్తున్నదా
ఆకారమే భావమై పరధ్యాస స్వభావాలతో అచలమై నిలిచినదా

జీవమే దేహ రూపమై శ్వాసే పరధ్యానమై ప్రతి జీవిలో నిలయమై ఉన్నాదా
అణువులే వివిధ ఆకారాలై పరధ్యాస ప్రభావంతో సృష్టిలో పొదిగి ఉన్నాయా  || జీవం ||

ప్రతి జీవం సహజత్వం ప్రతి అణువు పరమార్థం ప్రతి ఆకార రూపం పరమాత్మం
జీవంలో మహా తత్వం అణువులో స్వభావత్వం ప్రతీది పర రూప ఆకార తత్వం

జీవరాసుల జీవం ప్రకృతి సహజత్వం అణువుల పర జీవం పంచభూతాల భావాకార నైజత్వం  
జీవరాసుల జీవత్వం ప్రకృతిపై పరాధీనం రూపముల సహజత్వం పంచభూతాల నిశ్చలతత్వం  || జీవం ||

ప్రతి జీవికై వెలిగే ప్రజ్వల జ్యోతి ఉజ్వలమైన ఆత్మ పరంజ్యోతి స్వరూపమే

ప్రతి జీవికై వెలిగే ప్రజ్వల జ్యోతి ఉజ్వలమైన ఆత్మ పరంజ్యోతి స్వరూపమే
ప్రతి అణువుకై నిలిచే నిశ్చలమైన ఆత్మ జ్యోతి పరిపూర్ణ ప్రజ్ఞాన స్వరూపమే  || ప్రతి జీవికై ||

ప్రతి జీవిలో ఓ మహా శక్తి జీవమై ఉచ్చ్వాస నిచ్చ్వాసాలతో జీవితాన్ని సాగిస్తున్నది
ప్రతి అణువులో ఓ మహా శక్తి నిశ్చలమై పరధ్యాస ధ్యానముతో రూపాన్ని సాగిస్తున్నది

ప్రతి జీవి ఓ మహా జ్ఞానిగా ఆత్మ పర శక్తిగా తన జీవితాన్ని తరతరాలుగా సాగిస్తుంది
ప్రతి అణువు ఓ మహా రూప శక్తిగా ప్రయోజనాత్మకంగా జీవితాన్ని కాలంతో సాగిస్తుంది  || ప్రతి జీవికై ||

ప్రతి జీవి మరణిస్తుంది మరణం జన్మలకు స్వాగతం పలుకుతుంది
జీవం ప్రకృతిలోను మరియు సకల జీవరాసులలోను శ్వాసతో ఉంటుంది

అణువులు వివిధ రకాలుగా కాలంతో రూపాంతరం చెందుతూ ఉంటాయి
కొన్ని అణువులు క్షీణిస్తాయి మరి కొన్ని దీర్ఘ కాలంతో సాగుతూ ఉంటాయి
అణువులలో నిర్జీవం ఉన్నా కొన్ని రూపాలు దీర్ఘ కాలంతో నిలిచి ఉంటాయి  || ప్రతి జీవికై || 

భావానికే బంధమై తత్వానికే రూపమై

భావానికే బంధమై తత్వానికే రూపమై
విశ్వానికే జీవమై జగతికే ధ్యానమై
సూర్యుని తేజముతో దేహమై ఆకాశ వర్ణముతో జీవిస్తున్నానులే  || భావానికే ||

నా ప్రతి రూపము ప్రతి బింభము సముద్రమై కనిపిస్తున్నదే
నా ప్రతి భావము ప్రతి తత్వము సరస్సుగా ప్రవహిస్తున్నదే
నా ప్రతి జీవము ప్రతి దేహము సెలయేరులా ధ్వనిస్తున్నదే
నా ప్రతి తేజము ప్రతి వర్ణము సెలధారజలగా జ్వలిస్తున్నదే  || భావానికే ||

నాలోని భావానికే నాలోని తత్వానికే ప్రతి అణువు జీవిస్తున్నదే
నాలోని జీవానికే నాలోని శ్వాసకే ప్రతి అణువు స్పందిస్తున్నదే
నాలోని దేహానికే నాలోని తేజానికే ప్రతి అణువు కనిపిస్తున్నదే
నాలోని సుగంధానికే నాలోని సువర్ణానికే ప్రతి అణువు మెరుస్తున్నదే  || భావానికే || 

ఉదయించే సూర్య కిరణమా ప్రతి కోణంలో మెరిసే కిరణాల తేజమా

ఉదయించే సూర్య కిరణమా ప్రతి కోణంలో మెరిసే కిరణాల తేజమా
విశ్వానికే మహా ఉదయమా ప్రతి అణువుకు తేజస్సు భావాల ఉత్తేజమా
జగమంతా నవ జీవన కాలమా ప్రతి సమయం జీవితానికే శుభోదయమా  || ఉదయించే ||

తేజస్సుతో మేధస్సు ఉత్తేజమా ఆలోచనతో మేధస్సు నవ ఉదయమా
భావాలతో ఆలోచనలే మహోదయమా స్వరాలతో స్వరమే స్వరాగమా

దేహంలో దాగిన ఆశయాలకు ఉత్తేజం సూర్యోదయంతో మెరిసే ఆకాశమే
మనస్సులో నిండిన కోరికలకు ప్రాణం సూర్యునితో సాగే కార్యాల నేస్తమే  || ఉదయించే ||

ఉదయించే ప్రతి సూర్య కిరణం అస్తమించేను ఆనాడే కనిపించేను మరో దేశాన
మెరిసే ప్రతి కిరణ తేజం ప్రతి జీవికి అణువుకు ఎంతో ఉపయోగమే ప్రతి దేశాన

జగమంతా విజ్ఞానం సూర్యోదయాల ఉత్తేజ కార్యాలతో గమానార్థ పరిశోధనమే
విశ్వమంతా పరిశోధనం నవోదయ భావాల సూర్య విజ్ఞాన ఆలోచనల వేదమే  || ఉదయించే || 

లోకానికే తెలియని భావన నాలోనే నిలిచిపోతున్నది

లోకానికే తెలియని భావన నాలోనే నిలిచిపోతున్నది
విశ్వానికే కలగని స్వభావం నాయందే దాగిపోతున్నది
జగతికే తోచని జీవ తత్వం నాతోనే ఒదిగిపోతున్నది   || లోకానికే ||

అణువుగా ప్రతి అణువులో పరమాణువునై లీనమై పోయాను
జీవిగా ప్రతి జీవిలో శ్వాసనై దేహంతో కనిపించలేక పోయాను
దైవముగా ప్రతి దేహంలో జీవమై శ్వాసతోనే నిలిచి పోయాను

రూపమే మహా తత్వమై నాలో నేనే ఒదిగేలా నిలిచినది
భావమే మహా జీవమై నాలో నేనే నివసించేలా చలించినది
వేదమే మహా బంధమై నాలో నేనే ఎదిగేలా సహకరించినది  || లోకానికే ||

ఏనాటిదో జన్మ జీవించుటలో జన్మించిన భావన తెలియనిది
ఏనాటికో జన్మ ఎదుగుటలో మన జీవితం ఎందుకని కలగనిది
ఎవరికో జన్మ సరి నడుచుటలో మనతో కలిసినదెవరో తలచనిది

అణువే పరమాణువులను జత చేసుకొని బంధాన్ని తెలుపుతున్నది
రూపమే ఆకారాలను ఒకటిగా చేర్చుకొని జీవత్వాన్ని పొందుతున్నది
విశ్వమే కాలాన్ని క్షణాలుగా మార్చుకొని ప్రయాణాన్ని సాగిస్తున్నది    || లోకానికే || 

ప్రేమా ప్రేమా చెప్పమా నీవైనా ఉన్నావని

ప్రేమా ప్రేమా చెప్పమా నీవైనా ఉన్నావని
ప్రేమా ప్రేమా చెప్పమా నీవైనా ఉంటావని
ప్రేమిస్తూనే ఉంటానమ్మా నీవైనా ఉండాలని  || ప్రేమా ||

ప్రేమైనా సాగాలి లోకంతోనే ఉండిపోవాలి
ప్రేమైనా కలగాలి జగమంతా వ్యాపించాలి
ప్రేమైనా ఎదగాలి విశ్వమంతా సాగిపోవాలి
ప్రేమైనా నిలవాలి సృష్టితోనే జీవించాలి

ప్రేమే మన భావం ప్రేమే మన లోకం
ప్రేమే మన తత్వం ప్రేమే మన జీవం
ప్రేమే మన వేదం ప్రేమే మన గానం
ప్రేమే మన దైవం ప్రేమే మన సత్యం
ప్రేమే మన స్నేహం ప్రేమే మన ప్రాణం  || ప్రేమా ||

ప్రేమే ఒక రూపమై జన్మించేను ప్రతి జీవిలో
ప్రేమే ఒక జీవమై ఉద్భవించేను ప్రతి శ్వాసలో
ప్రేమే ఒక దేహమై ఉదయించేను ప్రతి అణువులో
ప్రేమే ఒక జీవన నాదమై కలిగేను ప్రతి స్వర శృతిలో

ప్రేమే మనలో ఉన్న మహా భావం
ప్రేమే మనలో కలిగే మహా తత్వం
ప్రేమే మనలో ఒదిగే మహా జీవం
ప్రేమే మనలో నిండిన మహా దైవం
ప్రేమే మనలో వచ్చే మహా స్వభావం  || ప్రేమా ||

ఒక జీవిగా చిరంజీవిగా జీవించవా జీవత్వమా

ఒక జీవిగా చిరంజీవిగా జీవించవా జీవత్వమా
ఒక ఆత్మగా పరమాత్మగా పలికించవా పరతత్వమా  || ఒక జీవిగా ||

ఈ జగతికి నీవే మహాత్మవై పరంధామగా అవతరించావు
ఈ విశ్వానికి నీవే మహర్షివై పరంజ్యోతిగా అధిరోహించావు
ఈ లోకానికి నీవే అవధూతవై అంతర్యామిగా అంతర్భవించావు

ప్రతి జీవిలో ఒకే జీవత్వమే చిరంజీవిగా జీవిస్తూ మరణించే భావత్వమే
ప్రతి అణువు ప్రతి జీవి ఆనందంగా జీవించాలనే విశ్వాన్ని వేడుకొనెను
ప్రతి అణువు ప్రతి జీవి సంతోషంగా మరణించాలనే కాలాన్ని కోరుకొనెను  || ఒక జీవిగా ||

ప్రతి జీవిలో ప్రతి అణువులో ఒకే జీవత్వమై ఒకే ప్రేమత్వమై దాగేను
ప్రతి జీవిలో ప్రతి అణువులో ఒకే భాషత్వమై ఒకే సత్యత్వమై ఉండేను
ప్రతి జీవిలో ప్రతి అణువులో ఒకే శ్వాసత్వమై ఒకే ధ్యాసత్వమై సాగేను

మనిషిగా జీవించే ప్రతి జీవిలో విజ్ఞానమే సంపూర్ణమైన ప్రజ్ఞానమయ్యేను
మనిషిగా ఎదిగే ప్రతి జీవిలో వివేకత్వమే పరిశుద్ధమైన పరిపూర్ణమయ్యేను
మనిషిగా ఒదిగే ప్రతి జీవిలో అనుభవమే పేమత్వమైన పరిశోధనమయ్యేను  || ఒక జీవిగా || 

ఏదీ మరచిపోవద్దు దేనిని వదలవద్దు

ఏదీ మరచిపోవద్దు దేనిని వదలవద్దు
విజ్ఞానాన్ని మేధస్సులో జ్ఞాపకాలతో నెమరువేసుకో  || ఏదీ ||

ప్రతి అక్షరం ప్రతి పదం మాటగా అంతా పరమార్థమే
ప్రతి అణువు ప్రతి పరమాణువు రూపంగా అంతా చిత్రమే

ప్రతి క్షణం ప్రతి సమయం అంతా కార్యానికి అవసరమే
ప్రతి శ్వాస ప్రతి ధ్యాస అంతా ధ్యానంతో ఉపయోగమే     || ఏదీ ||


ప్రతి భావం ప్రతి తత్వం అంతా దైవత్వ అద్వైత్వమే
ప్రతి స్పర్శ ప్రతి స్పందన అంతా మధురమైన అద్భుతమే

ప్రతి రూపం ప్రతి ఆకారం అంతా చిత్రాల కళాత్మకమే
ప్రతి గమ్యం ప్రతి మార్గం అంతా జీవితానికి సోపానమే   || ఏదీ || 

పూజకు వేళాయేను ప్రార్ధన మొదలయ్యేను

పూజకు వేళాయేను ప్రార్థన మొదలయ్యేను
సూర్యోదయముతో మేధస్సే ఉత్తేజమయ్యేను  || పూజకు ||

పుష్పాలన్నీ వికసించేను నా కోసమే
సుమ గంధాలన్నీ వీచేను నా కోసమే
మెరిసే సువర్ణాలన్నీ వెలిగేను నా కోసమే
సువర్ణ కాంతుల వెన్నెల వేచేను నా కోసమే  || పూజకు ||

ప్రతి జీవిలో భావన కలిగేను నా కోసమే
ప్రతి అణువులో తత్వం దాగేను నా కోసమే
ప్రతి ఆత్మలో జీవమే నిండేను నా కోసమే
ప్రతి రూపంలో స్పందన ఒదిగేను నా కోసమే  || పూజకు || 

చరిత్రలోనే ఉదయించాను చరిత్రలోనే సాగుతున్నాను

చరిత్రలోనే ఉదయించాను చరిత్రలోనే సాగుతున్నాను
జీవితమంతా చరిత్రగానే సాగుతూ చరితనై పోతున్నాను  || చరిత్రలోనే ||

చరిత్రలో సాగర తీరమై చరితవై సాగరా
చరిత్రతో సాగుతూ సాగరాన్ని చేరుకోరా  

చరిత్రలో సాహస ప్రపంచం దాగినట్లు మర్మమే ఉందిరా
చరిత్రలో విజ్ఞానం ఉన్నట్లు అనుభవమే దాగున్నదిరా

చరిత్రలో అపురూపం మహా గొప్ప నిర్మాణాల సోయగం
చరిత్రలో అమోఘం మహా అద్భుత శిల్ప కళా చాతుర్యం

చరిత్రలోనే మహాత్ముల వీర సిద్ధాంతాలు దాగున్నాయి
చరిత్రలోనే మహా మతాల వేద గ్రంథాలు దాగున్నాయి

చరిత్రలోనే వీర జవానుల దేశ విదేశ సాహస భావాలున్నాయి
చరిత్రలోనే మహా మహా రా రాజుల సామ్రాజ్యాలు ఉన్నాయి     || చరిత్రలోనే ||

చరిత్రతో జీవిస్తే పరిశోధనలలో ఎన్నో కొత్త విషయాలు తెలుస్తాయి
చరిత్రతో సాగితే పర్యవేక్షణలలో ఎన్నెన్నో అద్భుతాలు తెలుస్తాయి

చరిత్రలోనే ఎన్నో వస్తువుల రూపకల్పనల యంత్ర విధానం దాగున్నది
చరిత్రలోనే ఎన్నో ప్రయత్నాల మహా కఠిన సాధన సాహసం దాగున్నది

నేటి విజ్ఞానానికి తెలియని ఎన్నో సూక్ష్మ జ్ఞాన విశేషాలు చరిత్రలోనే ఉనాయి
నేటికి తెలియని ఎన్నో శాస్త్రీయ శాస్త్ర వైద్య విధానాలు చరిత్రలోనే ఉన్నాయి

చరిత్రలోనే అణువు నుండి అంతరిక్షం దాకా ఎంతో విజ్ఞానం ఉన్నది
చరిత్రలోనే శాస్త్రము నుండి సాంకేతిక పరిశీలన ఎంతో దాగి ఉన్నది

చరిత్రతోనే నీటి జీవుల సాంకేతిక పరిజ్ఞాన జీవన విధానం సాగుతున్నది
చరిత్రతోనే నేటి వస్తువుల యంత్ర విజ్ఞాన జీవిత విధానం సాగుతున్నది   || చరిత్రలోనే || 

విశ్వమై చూస్తున్నా ప్రతి జీవి కదలికను

విశ్వమై చూస్తున్నా ప్రతి జీవి కదలికను
ఆకాశమై జీవిస్తున్నా ప్రతి అణువు కోసం  || విశ్వమై ||

ప్రతి అణువులో ఆత్మనై ఉంటున్నా పరమాత్మగా
ప్రతి పరమాణువులో స్పర్శనై సాగుతున్నా ధ్యాసగా

ప్రతి రూపం నా మేధస్సులో దాగిన వర్ణ జీవమే
ప్రతి ఆకారం నా యదలో దాగిన శ్వాస స్వభావమే

ప్రతి దేహం నా కోసం జీవిస్తూ విజ్ఞానాన్ని అన్వేషిస్తున్నది
ప్రతి శ్వాస నాలో కలిగే ఉచ్ఛ్వాస నిచ్ఛ్వాసలతో కూడినది  || విశ్వమై ||

ప్రతి క్షణాన్ని ఒక యుగములా పరీక్షిస్తూ సాగుతున్నా
ప్రతి నిమిషాన్ని ఒక రోజులా అన్వేషిస్తూ వెళ్ళుతున్నా

ప్రతి భావన నాలో దాగిన స్వభావమై జీవులతో సాగేను
ప్రతి ఆలోచన నాలో నిక్షిప్తమై విశ్వంతో కలిసిపోయేను

ప్రతి బంధం అనుకున్న విధమై సాగుతున్నదా
ప్రతి అనుబంధం అనురాగమై కలిసిపోతున్నదా   || విశ్వమై ||

ఏది నీ జీవం ఏది నీ విశ్వం ఏది నీ భావం

ఏది నీ జీవం ఏది నీ విశ్వం ఏది నీ భావం
శ్వాసే అనుకున్నా ధ్యాసే అనుకున్నా ధ్యానమే నీ సొంతం
మౌనమే అనుకున్నా శూన్యమే అనుకున్నా నాదమే నీ స్వరం || ఏది నీ జీవం ||

జీవమై ఉన్నావు ఈ జగతికి లీనమై పోయావు ఈ లోకానికి
దేహమై ఉన్నావు ఈ దైవానికి శ్వాసతో వచ్చావు ఈ స్వర్గానికి

శిఖరమై దాగి ఉన్నావు హిమాలయాన
ఆకాశమై నిలిచావు అంతర్గపు గగనాన

నీవు లేని రూపం అణువు లేని ఆకారం
నీవు లేని ఆకారం పరమాణువు లేని రూపం   || ఏది నీ జీవం ||

జన్మతో కరుణించి మరణంతో మరిచెదవు
మరో జన్మతో లాలించి మరణంతో విడిచెదవు

కాలంతో సాగించే జీవితం కనిపించని నీ భావమే
మరణంతో సాగించే మౌనం వినిపించని సత్యమే  

నీలో వేద మంత్రమో నాలో జీవ తంత్రమో
విశ్వానికి మోహ బంధమై జీవితాన్నే సాగించేవు || ఏది నీ జీవం ||