ఓం నమో సూర్య దేవా ... ఓం నమో సూర్య కాంతా ...

ఓం నమో సూర్య దేవా ... ఓం నమో సూర్య కాంతా ...
సువర్ణముచే ఉదయించెదవా సుగుణముచే విస్తరించెదవా
నీ సువర్ణ సుగుణాలచే విశ్వాన్ని తేజస్సులతో ఆవరించెదవా  || ఓం నమో ||

నీలోని ప్రతి కిరణం మేధస్సులకు ప్రజ్వలమైన పరిశోధనమే
నీలోని ప్రతి తేజం ఎన్నో కార్యాలకు మహత్యమైన ప్రయోగమే

నీలోని ప్రతి వర్ణం ఆలోచనలకు మహోజ్వల పర్యావరణమే
నీలోని ప్రతి భావం జీవరాసులకు మహోదయ ప్రభంజనమే                  

నీలోని ప్రతి గుణం ఎన్నో జీవితాలకు మహనీయమైన ప్రబోధమే            
నీలోని ప్రతి తత్వం ఎందరో మహానుభావులకు మహా ప్రఘారమే    || ఓం నమో ||        

నీలోని ప్రతి వేదం ఎందరో మహాత్ములకు మహా ప్రచ్ఛనమే                  
నీలోని ప్రతి స్పర్శనం ఎన్నో అణువులకు మహా ప్రభావమే

నీలోని ప్రతి కణం ఎన్నో గ్రహాలకు దిక్సూచితమైన ప్రదర్శనమే
నీలోని ప్రతి చలనం ఎన్నో లోకాలకు సుదర్శనమైన ప్రకాశమే

నీలోని ప్రతి రూపం భావ స్వభావాలకు అత్యంతమైన ప్రక్షాళనమే
నీలోని ప్రతి ఆకారం వేద తత్వాలకు ఉన్నతమైన ప్రతిబింబమే    || ఓం నమో || 

ఉదయించే తేజమా నడిపించు నా మార్గాన్ని నీ వెలుగుతో సౌఖ్యంగా

ఉదయించే తేజమా నడిపించు నా మార్గాన్ని నీ వెలుగుతో సౌఖ్యంగా
కదిలే సూర్య కిరణమా చూపించు నా గమ్యాన్ని నీ కాంతితో భాగ్యంగా     || ఉదయించే ||

ప్రతి మార్గం నీవు సూచించే దివిటితోనే నా రహదారి సూటిగా మహా గొప్పతనంగా సాగాలి
ప్రతి ప్రయాణం నీవు తెలిపే దిక్సూచితోనే నా నడక సక్రమంగా మహా ఘనంగా వెళ్ళాలి

ప్రకాశించే ప్రజ్వల జ్యోతిగా విశ్వసించే ఉజ్వల కాంతిగా దివిటివై నా రహదారినే చూపాలి
మెరిసే మహా కిరణంగా తపించే మహోజ్వల వర్ణంగా దిక్సూచివై నా మార్గమునే చూపాలి  || ఉదయించే ||

గమనించే గమనంతోనే ఆలోచించే ఆలోచనలతోనే నా మార్గం గమ్యం ఒకటిగా సాగాలి
సూచించే సూచనతోనే చూపించే చూపులతోనే నా ప్రయాణం స్థానం చేరువగా ఉండాలి

ప్రతి క్షణం నీ కాంతి వెలుగులో ప్రతి సమయం నీ వర్ణ తేజస్సులోనే నేను ప్రయాణిస్తున్నా
ప్రతి భావనం నీ జ్యోతి ప్రకాశంలో ప్రతి తత్వం నీ అగ్ని జ్వాలలలోనే నేను అన్వేషిస్తున్నా  || ఉదయించే || 

ఎవరైనా ఆకాశ వర్ణాలను ఏనాడైనా గమనించారా

ఎవరైనా ఆకాశ వర్ణాలను ఏనాడైనా గమనించారా
ఎవరైనా మేఘాల వర్ణ భావాలను ఏనాడైనా చూశారా
ఏ దేశ ప్రదేశాన ఏ తీర సాగర ప్రాంతాన ఏమున్నదో
ఏదైనా కనిపించిందా ఏదైనా తెలిసిందా ఏదైనా తోచిందా   || ఎవరైనా ||

ఆకాశంలో రూపాల వర్ణాలను ఏనాడైనా గమనిస్తేనే ఏదో ఒక భావన తెలిసేనుగా
ఆకాశంలో రూపాల భావాలను ఎప్పుడైనా ఆలోచిస్తేనే ఏదో ఒక తత్వం తోచేనుగా

ఏ సమయ వేళలో నైనా ఎవరైనా ఏదైనా గమనిస్తున్నారా ఈ దేశ ప్రదేశాన
ఏ క్షణ కాలములలో నైనా ఎవరైనా ఏదైనా చూస్తున్నారా ఈ తీర ప్రాంతాన   || ఎవరైనా ||

ఆకాశ పొరల అంచులలో దాగిన సువర్ణ తేజస్సులన్నీ సంధ్యా వేళలో ఆవర్ణమై పోయెనే
ఆకాశ వర్ణమంతా చీకటితో ఆవర్ణమై స్వభావాలతో తారా నక్షత్ర కాంతులు వెలిగిపోయెనే

ఆకాశపు పై పొరల పరంపరలలో అంతరిక్షపు సౌర కుటుంబంలో ఆది నక్షత్రమై ఉన్నానే
ఆకాశ మేఘాల వర్ణ తేజస్సుల ఆకార రూపాలలో భావాల తత్వ రూపమై కనిపిస్తూ ఉన్నానే  || ఎవరైనా || 

ఓ భావమా ఓ తత్వమా

ఓ భావమా ఓ తత్వమా
విశ్వానికే తెలియని మహా భావమా
జగతికే కలగని మహోన్నత తత్వమా
మహా వేదాన్ని తెలిపే వేదాంత విజ్ఞానమా   || ఓ భావమా ||

జగమంతా ఉదయించే సూర్యోదయ సువర్ణ భావమా
విశ్వమంతా ఆవరించే మహోదయ కిరణ తేజత్వమా
బ్రహ్మాండమంతా వెలసిన అంతరిక్ష నిర్మాణ అద్భుతమా
ప్రపంచమంతా ఎదిగిన మహా జీవుల జీవన విధాన విజ్ఞానమా

లోకంలో విరిసిన మహా ప్రకృతి రూపమా
సృష్టిలో పరిచిన సహజ వనరుల ప్రదేశమా  || ఓ భావమా ||

ఏ ప్రభావం లేకుండా చలనం లేని దివ్యత్వమా
ఏ ప్రతాపశక్తితో ధ్వనించే భూగోళ పరిభ్రమణమా
ఏ సంఘటన లేనిదే మార్పు చెందని పరిణామమా
ఏ ఆకారమైన సంపూర్ణంగా కనిపించని రూప దృశ్యమా
ఏ రూపమైన అంతర్భావం చూడని సూక్ష్మ రూపాంతరమా
ఏ జీవమైన స్వాభావిక స్థితిని గమనించలేని పరిశోధనమా  || ఓ భావమా || 

ఏ దివిలో విరిసిన నవ పారిజాతమో ఈ భువిపై వెలిసిన దివ్య సుందరివి నీవే

ఏ దివిలో విరిసిన నవ పారిజాతమో ఈ భువిపై వెలిసిన దివ్య సుందరివి నీవే
నీ దేహంలో వెదజల్లిన సుందరమే నాలో సువర్ణమై సిరి కాంతులే విరజిమ్మేను  || ఏ దివిలో ||

సుగంధ పుష్పంలో మకరందమై తేనీయమే పంచుకోనా
సువర్ణ శిల్పంలో సుందరమై సంతోషాన్నే తిలకించుకోనా

అమృత వర్షిణిలో లీనమై హృదయాన్నే ఇచ్చుకోనా
అదర దరహాసంతో అఖిలమై చందనమే తెలుపుకోనా  || ఏ దివిలో ||

తారల తీరములలో నవరత్నమై నిన్ను దాచుకోనా
అలల తీరములలో అడుగులనై నీతో నడుచుకోనా

మువ్వల సందడిలో ముత్యమునై మురిపించుకోనా
భావాల స్వభావాలతో దేహ బంధానై నిన్నే హత్తుకోనా  || ఏ దివిలో || 

ఆహా! గాలిలో గమ్మత్తైన మైకమో

ఆహా! గాలిలో గమ్మత్తైన మైకమో
ఓహో! మేఘంలో ఆశ్చర్య వర్ణమో
మేఘాల గాలి సవ్వడిలో ఎదో నవ భావమో కలిగే మనలో మహా సంతోషము || ఆహా! ||

వీచే చల్లని గాలి తీరు మేధస్సునే మెప్పిస్తూ హుషారునే కలిగిస్తున్నది
ఆకాశంలో మేఘాల తీరు ఎన్నో వర్ణాల ఆకార రూపాలతో మెరుస్తున్నది

మెల్ల మెల్లగా వీచే మత్తైన గాలి మనస్సుకే హాయిని గలిగిస్తూ సాగుతున్నది
సూర్య కిరణాల తేజస్సుతో ఆకాశ వర్ణమే మారి అద్భుతాన్ని చూపిస్తున్నది  || ఆహా! ||

చల్లని గాలి గంధర్వ లోకాల నుండి సుగంధమై వీస్తున్నదేమో
మేఘాలే మహా పర్వతాల నుండి సువర్ణమై మెరుస్తున్నాయేమో

మేఘాల గాలికి మనలోని జీవమే మహా కొత్త ఉచ్ఛ్వాస నిచ్చ్వాసాలతో సాగేనే
మేఘాల వర్ణాలకు మేధస్సులో మహా ఉత్తేజమే ఉప్పొంగి దేహమే చలించేనే  || ఆహా! ||

పూజకు వేళాయేను ప్రార్ధన మొదలయ్యేను

పూజకు వేళాయేను ప్రార్థన మొదలయ్యేను
సూర్యోదయముతో మేధస్సే ఉత్తేజమయ్యేను  || పూజకు ||

పుష్పాలన్నీ వికసించేను నా కోసమే
సుమ గంధాలన్నీ వీచేను నా కోసమే
మెరిసే సువర్ణాలన్నీ వెలిగేను నా కోసమే
సువర్ణ కాంతుల వెన్నెల వేచేను నా కోసమే  || పూజకు ||

ప్రతి జీవిలో భావన కలిగేను నా కోసమే
ప్రతి అణువులో తత్వం దాగేను నా కోసమే
ప్రతి ఆత్మలో జీవమే నిండేను నా కోసమే
ప్రతి రూపంలో స్పందన ఒదిగేను నా కోసమే  || పూజకు || 

సూర్యనితో జీవించే కాలం నా మేధస్సులో మొదలైనది

సూర్యనితో జీవించే కాలం నా మేధస్సులో మొదలైనది
సూర్యునితో నడిచే కాలం నా ఆలోచనలో ఆరంభమైనది
సూర్యునితోనే జీవిస్తూ సాగే కాలం నాలోనే ఉదయించినది  || సూర్యనితో ||

సూర్యోదయమే నాకు తెలిపెను నాతో మేల్కొని నడచిరా అని
సూర్య కిరణమే నాకు తెలిపెను నాతో మెలకువగా సాగరా అని

సూర్య తేజస్సుతో వర్ణములయందు సాగగా నాలో సువర్ణ భావమే 
సూర్య ప్రజ్వలంతో కాంతి కిరణాలయందు సాగగా నాలో ప్రకాశమే

సూర్య క్రాంతి భ్రమణమే గ్రహాల స్థితి కాల ప్రయాణమని
సూర్య భ్రమణ కిరణమే విశ్వ ప్రదేశాల సకాల గమనమని   || సూర్యనితో ||

సూర్యునితో నా దేహం కాంతి కిరణమై జగతికే ప్రకాశమైనది
సూర్యునిలో నా శ్వాస క్రాంతి జీవమై విశ్వానికే సువర్ణమైనది

సూర్యుని లోకమే నవ ఉత్తేజమైన విశ్వ జీవన లోకమని
సూర్యని వర్ణమే నవ తేజమైన కాంతి జీవన ప్రపంచమని

యుగాలుగా సాగే కాలంలో ప్రతి క్షణం నేను ఒక భావమై సాగుతున్నాను
క్షణాలుగా సాగే సమయంలో ప్రతి స్థానంలో ఒక వర్ణమై వెలుగుతున్నాను  || సూర్యనితో ||

వేణు గాలితో వేద మంత్రముతో వీచిపో కృష్ణా

వేణు గాలితో వేద మంత్రముతో వీచిపో కృష్ణా
శ్వాస ధ్యాసతో స్వర జీవంతో కలిసిపో కృష్ణాకర   || వేణు గాలితో ||

అమర నాయక అనన్య దాయక రావో మురళీ మోహన
దివ్య రాజక ధర్మ తేజక నిలిచిపో సువర్ణ సత్య సుందర

విశ్వ గిరివాస గోవర్ధన హిమ నివాస కదలిరా కమలా కాంత
భువన గిరి వాస భవన బృందావన మందిర మధుర లాలస  || వేణు గాలితో ||

జీవన వేద మహిమాదుర మనో విజ్ఞాన నేత్ర ప్రజ్ఞాధర ధనుంజయ
వీర తేజ రథ సారథి భుజంగ బహు ప్రజ్ఞాన పరాక్రమ పరంధామ

నవ నీత కిశోర శృంగార సుమధుర చిత్ర ధారక మూర్తి మధురేశ్వర
జన జనని జగన జల జీవ జలాధర జీవన జ్యోతిక జ్యోతిర్మయ         || వేణు గాలితో ||