ఏ దివిలో విరిసిన నవ పారిజాతమో ఈ భువిపై వెలిసిన దివ్య సుందరివి నీవే

ఏ దివిలో విరిసిన నవ పారిజాతమో ఈ భువిపై వెలిసిన దివ్య సుందరివి నీవే
నీ దేహంలో వెదజల్లిన సుందరమే నాలో సువర్ణమై సిరి కాంతులే విరజిమ్మేను  || ఏ దివిలో ||

సుగంధ పుష్పంలో మకరందమై తేనీయమే పంచుకోనా
సువర్ణ శిల్పంలో సుందరమై సంతోషాన్నే తిలకించుకోనా

అమృత వర్షిణిలో లీనమై హృదయాన్నే ఇచ్చుకోనా
అదర దరహాసంతో అఖిలమై చందనమే తెలుపుకోనా  || ఏ దివిలో ||

తారల తీరములలో నవరత్నమై నిన్ను దాచుకోనా
అలల తీరములలో అడుగులనై నీతో నడుచుకోనా

మువ్వల సందడిలో ముత్యమునై మురిపించుకోనా
భావాల స్వభావాలతో దేహ బంధానై నిన్నే హత్తుకోనా  || ఏ దివిలో ||