నిద్రించలేదు ఎన్నడూ మరవలేదు ఎప్పుడూ

నిద్రించలేదు ఎన్నడూ మరవలేదు ఎప్పుడూ
మరణించలేదు ఎన్నడూ అస్తమించలేదు ఎప్పుడూ

భావాలతోనే స్మరిస్తున్నా జ్ఞాపకాలతోనే  జీవిస్తున్నా ఎల్లప్పుడూ
తత్వాలతోనే స్పర్శిస్తున్నా వేదాలతోనే గమనిస్తున్నా ఎల్లప్పుడూ   || నిద్రించలేదు ||

రూపంతోనే ఉదయిస్తున్నా దేహంతోనే ధ్యానిస్తున్నా
జ్ఞానంతోనే విశ్వసిస్తున్నా దైవంతోనే ప్రయాణిస్తున్నా

శ్వాసతోనే తపిస్తున్నా ధ్యాసతోనే పరిశోధిస్తున్నా
కోరికతోనే శ్రమిస్తున్నా ఎరుకతోనే విలపిస్తున్నా   || నిద్రించలేదు ||

కాలంతోనే సమర్పిస్తున్నా జీవంతోనే అర్పిస్తున్నా
వర్ణంతోనే నివసిస్తున్నా ప్రాయంతోనే వచ్చేస్తున్నా

విశ్వతితోనే గడిపేస్తున్నా జగతితోనే విహరిస్తున్నా
జనతితోనే పనిచేస్తున్నా ప్రకృతితోనే ఎదిగేస్తున్నా  || నిద్రించలేదు ||

ఓ మహాదేవా ఓ మహదేశ్వరా

ఓ మహాదేవా ఓ మహదేశ్వరా
ఓ పరమాత్మా ఓ పరంధామా
ఎవరిని ఎలా చూసేదవో ఎవరిని ఎప్పుడు తలచెదవో  || ఓ మహాదేవా ||

నీవే ఉన్నావని తెలియదు నీవే లేవని తోచుటలేదు
నీవే ఉంటావని తెలియదు నీవే వస్తావని తపనలేదు

నీకై ఎందరో తపిస్తున్నా నీవే ఉన్నావని కరుణించలేదు
నీకై ఎందరో ఆలపిస్తున్నా నీవే ఉంటావని కనిపించలేదు  || ఓ మహాదేవా ||

కొలిచిన వారికి సౌభాగ్యము కొలవని వారికి వైభోగము
తలచిన వారికి సంతోషము తపించని వారికి ఆనందము

కొలవకున్నను నీవే తలచెదవో తపించకున్నను నీవే మలిచెదవో
కోరికలను నీవే కొన్నైనను తీర్చెదవో తపనను నీవే కలిగించెదవో    || ఓ మహాదేవా ||

అనగా అనగా నేడే వినగా వినగా

అనగా అనగా నేడే వినగా వినగా
ఒక రోజు ఏదో కథగా తెలిసేనే

అనగా అనగా ఎప్పుడో వినగా వినగా
ఏదో ఒక రోజు మన జీవితంగా మారేనే   || అనగా ||

కథలే కాలంగా జీవితమే కోరికల ప్రయాణమై సాగంగా
కలలే కాలంగా కథలే స్వభావాల మార్గమై కొనసాగంగా

ఊహలు ఎన్నో తీరని ఆశల కథలుగా సాగేనే
కలలు ఎన్నో నెరవేరని భావాల కథలుగా సాగేనే  

వింటున్నా కథనాలన్నీ కంటికే రూపమై తెలిసేనా
జీవించే జీవితాలన్నీ మేధస్సుకే ఆకారమై తెలిపేనా || అనగా ||

జీవితాలే కథలుగా నేర్చుకునే పాఠాలుగా వస్తూనే తెలిసేను ఎన్నో తీరికగా
కథలే జీవితాలుగా మార్చుకునే కళలుగా వెళ్తూనే తెలిపేను ఎన్నో ఓపికగా

కథలన్నీ విజ్ఞానంగా సాగేలా జీవితాలను గర్వంగా మళ్లించగా
కలలన్నీ కారణంగా సాగేలా జీవితాలను గొప్పగా మార్చంగా

కలలు కథలు ఊహలు జీవితాలు ఒకటై సాగేనా
భావాలు స్వభావాలు తత్వాలు కోరికలు ఒకటై సాగేనా   || అనగా || 

మరణం తెలిసిందా ప్రయాణం ముగిసిందా ఉదయం అస్తమించిందా

మరణం తెలిసిందా ప్రయాణం ముగిసిందా ఉదయం అస్తమించిందా
ప్రాణం నిలిచిపోయిందా మౌనం కలిగిందా హృదయం ఆగిపోయిందా

జీవితం అంతమౌతుందా  సందర్భం తెలిపిపోతుందా జీవనం నిలిచిపోతుందా
సమయం చెప్పి వస్తుందా కాలం తలచి పోతుందా తరుణం తపించి పోతుందా  || మరణం ||

శరణం లేని జీవితం అభయం లేని జీవనం ప్రశాంతమై కదిలేనా
విజ్ఞానం లేని గమనం ఉపయోగం లేని కార్యం సుఖాంతమై సాగేనా

భావమే లేని తత్వంతో స్పర్శ లేని స్వభావంతో మరణము సంభవించేనా
వేదమే లేని విజ్ఞానంతో మౌనమే లేని హృదయంతో మృత్యువు ఆవహించేనా  || మరణం ||

కారణం లేని కార్యం పరమార్థం లేని అర్థం పరిశోధన లేని పర్యవేక్షణ ఆగేనా
కాలం లేని కర్తవ్యం రూపం లేని ఆకారం దైవం లేని ధర్మం నిత్యం నిలిచేనా

ధైర్యం లేని జీవనం కోరిక లేని జీవితం విజ్ఞానం లేని కార్యం అంతమయ్యేనా
రక్షణ లేని జీవం శ్వాస లేని రూపం శాంతం లేని హృదయం నిలిచిపోయేనా  || మరణం || 

ఎక్కడ మన జీవనం ఎలాగ మన జీవితం

ఎక్కడ మన జీవనం ఎలాగ మన జీవితం
ఏనాటిదో మన జీవితం ఎందుకో మన జీవనం
ఎవరితో ఎవరు ఎక్కడ ఎవరు ఎలాగ ఎందుకో
ఏనాటికీ తెలియని గమనం మనతో సాగే సమయం
మనలో కలిగే ఆలోచన మరోసారి తలిచే తరుణం     || ఎక్కడ ||

కోరిన విధముగా లేని జీవనం ఎందుకో తెలియని విధముగా సాగే జీవితం
తలచిన విధముగా కలగని జీవనం ఏదీ తోచని విధముగా సాగే జీవితం

తలచిన కార్య ప్రయత్నమే విఫలమై విధిగా సాగే కాల పరిశోధనం
తోచని కార్య సంభవమే ఒక విధముగా సాగే సమయ సందర్భం          || ఎక్కడ ||

మనలో కోరిన ప్రయత్నం ఉన్నా లోపమే విఫలమై విధిగా సాగే కార్యం
మనలో తెలియని ప్రయత్నం సాగినా తలవని అసమ్మతి కార్య ఫలితం

కోరిన కోరికకై సాగని ఆలోచన ప్రయత్నం లేక తీరని కోరిక విఫలం
కోరిన కోరికకై చేసే ప్రయత్నం తోచని ఆలోచనల తెలియని మార్గం   || ఎక్కడ || 

ప్రేమించాను నిన్నే ప్రేమిస్తాను నిన్నే ప్రతి క్షణం

ప్రేమించాను నిన్నే ప్రేమిస్తాను నిన్నే ప్రతి క్షణం
నీవు నన్ను ప్రేమించేదాక నీతోనే ఉంటానులే ప్రతి సమయం
నా ప్రేమ నీకు తెలిసేదాక నీకు తోడుగా నీడై వస్తానులే ప్రతి తరం  || ప్రేమించాను ||

ప్రేమతో పిలిచేదాక నా కోసం పలికేదాక నీతోనే వేచి ఉన్నానులే
ప్రేమతో చూసే దాక ప్రేమతో పలకరించేదాక నీతోనే ఉంటానులే

ప్రేమలో ధ్యాస నీకై శ్వాస మరవని ఆగని క్షణాల అలల తీరమే
ప్రేమలో భాష నీకై ప్రయాస మౌనమై తీరని మోహన భావ తత్వమే  || ప్రేమించాను ||

ప్రేమించే తత్వమే నాలో యోగమై నీలో మహా జీవమైనదే
ప్రేమించే భావమే నాలో ధ్యానమై నీలో అభియోగమైనదే

ప్రేమనే తలచాను నీలోని శ్వాసతో మరో జన్మనే తపించాను
ప్రేమనే తిలకించాను నీలోని ధ్యాసతో మరో కోరికనే జయించాను  || ప్రేమించాను || 

కలే కన్నానని మెలకువ తెలిపేనే

కలే కన్నానని మెలకువ తెలిపేనే
నిజమే కాదని ఉదయంతో తోచేనే
ఎన్నెన్నో కలలు కంటూనే నిద్రిస్తున్నానులే
కలలన్నీ కలలుగానే మిగిలి పోతున్నాయిలే  || కలే కన్నానని ||

కలే నిజమౌతున్నదని మరో ఊహ కలగా సాగుతున్నదిలే
కలే జీవితమని ఊహలతోనే కాలం మరుపుతో సాగేనులే

కల నిజం కాదని తెలిసినా ఊహతో ప్రయత్నమే మొదలాయనే
కల సాధ్యం కాదని తెలిసినా ఓర్పుతో సాధన ఆరంభమయ్యేనే

కలను అందుకోవాలని మనస్సులో కోరిక పుట్టేనే
కలను జయించాలని మేధస్సులో ఆలోచన తట్టేనే  || కలే కన్నానని ||

కలే నిజమౌతున్న వేళ మదిలో సంతోషమే కలిగేనే
కలే నిజమౌతున్న వేళ యదలో ఆనందమే ఉప్పొంగేనే

అన్నీ కలలు తీరవు అన్నీ కలలు మనకు గుర్తుగా ఉండవు
అన్నీ కలలు మంచివి కావు అన్నీ కలలు ఒకటిగా ఉండవు

ఆలోచిస్తేనే భావంతో కల ఎటువంటిదో తెలిసేను  
ఊహతో నెమరువేస్తేనే కల ఏమని అర్థమయ్యేను  || కలే కన్నానని ||