భారంగా ప్రేమకు దూరంగా హృదయానికి చేరువ లేదనగా

భారంగా ప్రేమకు దూరంగా హృదయానికి చేరువ లేదనగా
కళ్ళల్లో కన్నీరే రాలేక నీకోసం మదిలో భాదే మొదలాయనే  || భారంగా ||

తప్పేదో జరిగిందా ఒప్పేదో తెలియదా జరిగినది ఏమైనదో
కాలంతో కలిగే విధిని మీరు కథలతోనే కలగా మిగిల్చెదరా

భావాల జీవం స్వభావాల శ్వాస తత్వమైన ఉచ్చ్వాస నిచ్చ్వాసాలే
ధ్యాస ధ్యానం భాషా జ్ఞానం విశ్వం విజ్ఞానమై ఒకటిగా నీలో దాగినదే  || భారంగా ||

మాటలే శూన్యం మౌనమే గానం మనస్సుకు నీవు మోహనమే
స్నేహమే ప్రేమగా సాగిన ఊహల ఆశలు కలలుగా మిగిలేనా

వేదమే నాలో కలిగిన భావం నీతో సాగినదే అనుకున్నా ఆనాడు
జీవమే నీలో కదిలిన వేదం నాతో సాగేనని అనిపించేను ఆనాడే  || భారంగా || 

కలే కన్నానని మెలకువ తెలిపేనే

కలే కన్నానని మెలకువ తెలిపేనే
నిజమే కాదని ఉదయంతో తోచేనే
ఎన్నెన్నో కలలు కంటూనే నిద్రిస్తున్నానులే
కలలన్నీ కలలుగానే మిగిలి పోతున్నాయిలే  || కలే కన్నానని ||

కలే నిజమౌతున్నదని మరో ఊహ కలగా సాగుతున్నదిలే
కలే జీవితమని ఊహలతోనే కాలం మరుపుతో సాగేనులే

కల నిజం కాదని తెలిసినా ఊహతో ప్రయత్నమే మొదలాయనే
కల సాధ్యం కాదని తెలిసినా ఓర్పుతో సాధన ఆరంభమయ్యేనే

కలను అందుకోవాలని మనస్సులో కోరిక పుట్టేనే
కలను జయించాలని మేధస్సులో ఆలోచన తట్టేనే  || కలే కన్నానని ||

కలే నిజమౌతున్న వేళ మదిలో సంతోషమే కలిగేనే
కలే నిజమౌతున్న వేళ యదలో ఆనందమే ఉప్పొంగేనే

అన్నీ కలలు తీరవు అన్నీ కలలు మనకు గుర్తుగా ఉండవు
అన్నీ కలలు మంచివి కావు అన్నీ కలలు ఒకటిగా ఉండవు

ఆలోచిస్తేనే భావంతో కల ఎటువంటిదో తెలిసేను  
ఊహతో నెమరువేస్తేనే కల ఏమని అర్థమయ్యేను  || కలే కన్నానని ||