జీవించవా నా శ్వాసతో ధ్యానించవా నా ధ్యాసతో

జీవించవా నా శ్వాసతో ధ్యానించవా నా ధ్యాసతో
గమనించవా నా భావాలతో తపించవా నా తత్వాలతో
ప్రతి క్షణం ప్రతి సమయం నా విశ్వ రూప విజ్ఞానంతో  || జీవించవా ||

శ్వాసలో నీవే ధ్యాసలో నీవే గమనమై మరో జీవమై ధ్యానించెదవో
రూపమే నీవై దేహమే నీవై వేద స్వభావ తత్వంతో తపించెదవో

స్వరములో నీవై ఉచ్చ్వాసలో నీవై మహా గుణముతో నీవు స్పందించెదవో
జీవములో నీవై ప్రాణములో నీవై మహా లక్ష్యముతో నీవు పరవశించెదవో   || జీవించవా ||

వినయము నీవే విధేయత నీవే విశ్వ బంధము నీవే తెలిపెదవో
మౌనము నీవే మమతవు నీవే మధుర తత్వము నీవే గ్రహించెదవో

జ్ఞానము నీవే గమకము నీవే గాత్రము నీవే నడిపించెదవో
దైవము నీవే ధీరము నీవే కాల ధర్మము నీవే సాగించెదవో       || జీవించవా ||

ఏ దేహమో నీది ఏ రూపమో నీది

ఏ దేహమో నీది ఏ రూపమో నీది
ఏ దైవమో నీది ఏ ఆకారమో నీది

సత్యానికే నిత్యమై మాటకే మౌనమై వెలసినావు జీవుల రూపాలలో   || ఏ దేహమో ||

ప్రతి రూపంలో పరిశోధనగా ప్రతి ఆకారంలో పరిశీలనగా
ప్రతి దేహంలో పర్యవేక్షణగా ప్రతి దైవంలో పరిశుద్ధంగా
పరిపూర్ణమై ప్రజ్ఞానంతో ప్రకారమై జగతిలో జీవిస్తున్నావు   || ఏ దేహమో ||

ప్రతి స్వరములో సంఘర్షణగా ప్రతి శ్వాసలో సంకీర్తనగా
ప్రతి ధ్యాసలో ధీరముగా ప్రతి ధ్యానంలో మహా దివ్యంగా
స్వర విజ్ఞాన సంపూర్ణ స్వయంభువమై విశ్వంలో వెలిసావు   || ఏ దేహమో ||