సర్వాంగ సుందరం సర్వానంద యోగం

సర్వాంగ సుందరం సర్వానంద యోగం
సర్వాంత సుఖనం స్వరానంద సంభోగం
స్వయం సునందం స్వరాభిమాన యోగం
సర్వం సుదర్శనం స్వరజీవన సమ్మేళనం  || సర్వాంగ ||

సర్వానంద యోగం మహానంద భీజం
సదానంద భావం మహా యోగ అమృతం
సర్వానంద తరంగం సర్వ భూషణం
సదానంద భవనం సర్వ సంభోగమం           || సర్వాంగ ||

సుమధురానంద సుగంధం సుఖ ప్రయాసం
సంగీతానంద సుఫలం స్వరానంద స్వరాగం
స్వయంభువ సువర్ణం స్వరూప తేజ ప్రకాశం    
సదానంద సిద్ధత్వం సుప్రయోజన పరిశుద్ధం   || సర్వాంగ || 

సుఖమో జీవితమో

సుఖమో జీవితమో
సుఖమే సంయోగ సంభోగమో
జీవితమే సుఖమైన సంతోషమో  || సుఖమో ||

సాగే కాలంతో సుఖ జీవిత ప్రయాణమో
కదిలే సమయంతో మహా సంభోగ భావమో

మోహమే మహా వేదమో వేదమే మహా మోహనమో
మనస్సే మహా మంత్రమో వయస్సే మహా చిత్రమో  || సుఖమో ||

ఎదిగే వయస్సుతో సాగే కాలంతో జీవితం ఏ ప్రయాణమో
ఒదిగే మనస్సుతో కదిలే సమయంతో నవ జీవన మార్గమో

ఒడిదుడుకులు ఎన్నున్నా సుఖ భోగం ఎవరికి శాంతమో
అలజడులు ఎన్నున్నా సంతోష యోగం ఎవరికి మోక్షమో  || సుఖమో || 

బాబా నీవలె ఎవరు అవతరించెదరు

బాబా నీవలె ఎవరు అవతరించెదరు
సాయి నీలాగే ఎవరు ఉదయించెదరు

నీ రూపాన్నే ఇంకెవరు ధరించెదరు
నీ ఆకారాన్నే మరల ఎవరు పొందగలరు
నీ భావ తత్వాలతో ఎవరు జీవించగలరు   || బాబా ||

నీలోని ఆత్మ తత్వం మహాత్మగా నిలిచేను
నీలోని వేద భావం మాతృ తత్వమై సాగేను

నీలోని విజ్ఞానం విశ్వ విజ్ఞాన పాండిత్యం
నీలోని వేదాంతం దివ్య జ్ఞాన సాహిత్యం

నీలోని ఓర్పుకు మహా విశ్వమే నిలయమైనది
నీలోని సహనానికి ప్రకృతియే శాంతించినది  || బాబా ||

నీలో దాగిన కరుణాదయామృతం ఓ మహా తత్వం
నీలో నిండిన మధురామృతం ఓ గొప్ప నిర్వచనం

నీవు సాగే కాలం అజ్ఞానాన్ని తొలగించే అనుభవం
నీవు నడిచే ప్రదేశం ప్రశాంతతను పొందే యోగం

నీవు లేని లోకం అల్లా కల్లోలమై పోతున్నది
నీవు లేక ఈ జగతి అదో రకమై సాగుతున్నది  || బాబా ||