ఎంత కాలమో జీవితం ఎంత కాలమో జీవనం

ఎంత కాలమో జీవితం ఎంత కాలమో జీవనం
ఎంత కాలమో ప్రయాణం ఎంత కాలమో చలనం

ఎంతెంత దూరమో గమ్యం ఎంతెంత దూరమో మార్గం  || ఎంత కాలమో ||

జీవించుటలో కలిగేను తపనం ప్రయాణించుటలో తెలిసేను గమనం
ఉదయించుటలో కలిగేను శాంతం అస్తమించుటలో తెలిసేను ప్రశాంతం

కార్యాలతో తెలిసేను విజ్ఞానం బంధాలతో కలిగేను అనుభవం
వేదాలతో తెలిసేను వేదాంతం భావాలతో కలిగేను సంబంధం  || ఎంత కాలమో ||

జీవంతో సాగే కాల ప్రయాణమే అనుభవాల అనంత విజ్ఞాన చరితం
రూపంతో సాగే కాల మార్గమే అనుబంధాల ఆనంద భావన భరితం

జీవితంలో కలిగే కార్య బంధాల కాల గమన సమయం అనుభవాల వేదం
జీవనంలో కలిగే జీవ బంధాల కాల చలన సమయం సంబంధాల జ్ఞానం  || ఎంత కాలమో ||

దూర దూరాల జీవ ప్రయాణం మహా ఆరోగ్యంతో సాగే ఆనంద సమయం
తీర తీరాల దేహ చలనం మహా కార్యంతో కొనసాగే అద్భుత సమన్వయం

తీరని ప్రయాణం తీరాల వెంబడి సాగుతున్నా ఆనందం అలలతో గమనం
వీడని మార్గం గమ్యాల వెంబడి కొనసాగుతున్నా ఆశ్చర్యం కెరటాలతో చలనం  || ఎంత కాలమో ||