ఓ సూర్యదేవా నీవే నా గమనం నీవే నా చలనం

ఓ సూర్యదేవా నీవే నా గమనం నీవే నా చలనం
ఓ సూర్యదేవా నీవే నా ఉదయం నీవే నా హృదయం

నీవే నా గమనంలో వేద భావం నీవే నా చలనంలో జీవ తత్వం
నీవే నా ఉదయంలో సర్వ కార్యం నీవే నా హృదయంలో నిత్య తేజం  || ఓ సూర్యదేవా ||

నా మేధస్సును ఉత్తేజముచే ఆలోచింపజేసెదవా
నా మేధస్సును ప్రజ్వలముచే తిలకింపజేసెదవా

నా దేహాన్ని ఆరోగ్యవంతం చేసే అపురూప తేజస్సు నీవే
నా రూపాన్ని ఆనందవంతం చేసే ఆకారపు ఉషస్సు నీవే  || ఓ సూర్యదేవా ||

నా భావ కార్యాలను విజయవంతంగా జరిపెదవా
నా తత్వ బంధాలను సగర్వంతంగా సాగించెదవా

నా మేధస్సులో ఆలోచన సైతం నీ గమన జీవమే
నా మేధస్సులో ఆరాధన సైతం నీ చలన దేహమే  || ఓ సూర్యదేవా ||