ప్రయాణమా సాగించవా దూరాన్ని

ప్రయాణమా సాగించవా దూరాన్ని
సమయమా అందించవా గమ్యాన్ని

చలనమా నడిపించవా జీవితాన్ని
గమనమా వినిపించవా జీవనాన్ని

ప్రయాణమే నాకు తెలుపుతుంది నాతోటి చలనం
సమయమే నాకు తెలుపుతుంది నాలోని గమనం    || ప్రయాణమా ||

ప్రయాణంతో ప్రతి క్షణం చలనమై జీవితాన్ని సాగించెదను
సమయంతో ప్రతి క్షణం గమనమై జీవనాన్ని సాగించెదను  

దూరమే చేరెదనని నాలోని కాల ప్రయాణమే తెలియజేయును 
గమ్యమే అందేదని నాతోటి కార్య సమయమే తెలియజేయును    || ప్రయాణమా ||

కాలంతో సాగే దూరం ఎంతటిదో వయస్సుకే తెలియును
కార్యంతో సాగే గమ్యం ఎంతటిదో మనస్సుకే తెలియును

దూరాన్ని నడిపించే కాలం ప్రయాణమే సమయానికి చేర్చును
గమ్యాన్ని చేర్పించే కార్యం ప్రయాణమే చలనానికి ఇచ్చును    || ప్రయాణమా ||