వినబడుతుందా యదలోని గమనం

వినబడుతుందా యదలోని గమనం
కనబడుతుందా మదిలోని చలనం
తడబడుతుందా మనలోని మౌనం

నిశ్చలమే లేని మానవ హృదయం
మేధస్సుకే తెలిసిన నిత్య గమనం
దేహంలో కలిగే శాస్త్రీయ సిద్ధాంతాల నియమం  || వినబడుతుందా ||

జీవించుట ఒక తపనం చలించుట ఒక కార్యం
భరించుట ఒక మౌనం ధరించుట ఒక శాస్త్రం

గమనించుట ఒక సిద్ధాంతం గ్రహించుట ఒక యోగం
వినిపించుట ఒక శాస్త్రీయం నడిపించుట ఒక భోగం     || వినబడుతుందా ||

ఆచరించుట ఒక నియమం ఆకర్షించుట ఒక నాదం
సందర్శించుట ఒక చలనం స్మరించుట ఒక వేదం

దీవించుట ఒక ఆశయం సాధించుట ఒక కర్తవ్యం
ఆశ్రయించుట ఒక సహాయం ఆదేశించుట ఒక కావ్యం   || వినబడుతుందా ||