ఏనాడు లేని ఆలోచన కలిగేను ఈనాడే నాలో

ఏనాడు లేని ఆలోచన కలిగేను ఈనాడే నాలో
ఎక్కడ ఎవరికి లేని భావన తోచేను ఈనాడే నాలో

యదలోన కదిలే మదిలోన మొదిలే అనురాగ వేదం
తపించిపోతున్నది నేడే నా మనసున్న మేధస్సులో   ||  ఏనాడు ||

హృదయానికే దూరం కంటికే చేరువై కనిపిస్తున్నదే నవ భావ దృశ్యం
మేధస్సుకే ఊహా చిత్రం ఆలోచనకే అలంకార రూపం నవ రస భరితం

ప్రకృతిలో పరవశించిపోయే జీవామృతం తపనంతో విహరిస్తున్నది
విశ్వ జగతిలో ఉప్పొంగిపోయే నాదామృతం విరహంతో గాలిస్తున్నది    ||  ఏనాడు ||

విజ్ఞానమైన జీవన విధానం వేదాంతమైన జీవిత సవరణగా సాగుతున్నది
శాస్త్రీయమైన జీవన కవచం సిద్ధాంతమైన జీవిత రహస్యంగా వెళ్ళుతున్నది

వినయం ఎంతటి భావమో ఆలోచనకు అంతటి వేదనగా కలుగుతున్నది
పరువం ఎంతటి మోహమో వయస్సుకు అంతటి ఆత్రతగా తెలుస్తున్నది  ||  ఏనాడు ||

ఎక్కడ ఉన్నా కనిపించే రూపం నీవేలేనని అనుకున్నా

ఎక్కడ ఉన్నా కనిపించే రూపం నీవేలేనని అనుకున్నా
ఎలాగ ఉన్నా కనిపించే దేహం నీదేలేనని అనుకున్నా
నా కళ్ళల్లో కనిపిస్తూనే ఉన్నా కలగానే అనుకుంటున్నా   || ఎక్కడ ||

కనిపించే దేహమే నీ రూపం అపురూపమైనదే నాలో నీ భావం
కనులారా చూసే నీ ఆకారం అమోఘమైనదే నాలో నీ మోహం

ఏనాటిదో నీ రూప బంధం ఏనాటికో నీ అపురూప చిత్రం
ఎప్పటికో నీ రూప దేహం ఎప్పటిదో నీ అమోఘ తత్వం     || ఎక్కడ ||

ఎవరికి ఎవరో తెలిసినా తెలియనిదే అంతరంగం
ఎవరికి ఎవరో తెలిపినా తెలియనిదే అంతర్భావం

ప్రతి రూపంలో కనిపించే దేహం ఆకారానికే అపురూపం
ప్రతి భావంలో తపించే తత్వం స్వభావానికే అమోఘం    || ఎక్కడ || 

దిక్కులతో చూపులే చెల్లా చెదురు చుక్కలతో చిక్కులే చిటపటలు

దిక్కులతో చూపులే చెల్లా చెదురు చుక్కలతో చిక్కులే చిటపటలు
ఎక్కడికి వెళ్ళినా చిత్రాలే విచిత్రాలు ఎక్కడ ఉన్నా చివాట్లే తప్పట్లు
ఏదేమైనా మదిలో మైమరిపించే కైపులే యదలో దాగిన ఓర ఇక్కట్లు  || దిక్కులతో ||

విషాదంతో సాగే దిక్కు ఎక్కడికి చేర్చునో చుక్కలుగా తెలియుటలేదే
అశాంతతో తోచే చిత్రం విచిత్రమై మైమరిపించే కైపుగా ఉంటుందేమో

చిక్కులెన్నో లెక్కలుగా దిక్కులకే తోచనట్లు చుక్కలన్నీ ఒకటిగా మారి కనిపించునే
చిత్రాలెన్నో రూపాలుగా నేత్రానికే కనబడనట్లు ఆకారాలన్నీ ఒకటై విచిత్రమయ్యేనే   || దిక్కులతో ||

అసత్యాన్ని చూపే దిక్కు రూపం లేని చిత్రంగా కలవరపడి పోయేనే
అధర్మాన్ని సూచించే కాలం చరిత్రకే లేని వేదంతంగా మారి పోయేనే

ఇబ్బందులతో సాగే జీవితం ఇక్కట్లుగా యదలోనే దుఃఖమైపోయెనే
ఒడిదుడుకులతో సాగే జీవనం చీవాట్లుగా మదిలోనే నిలిచిపోయేనే    || దిక్కులతో ||