Wednesday, October 11, 2017

ఓ సూర్య దేవా! నీవే నా బోధకుడవు

ఓ సూర్య దేవా! నీవే నా బోధకుడవు
ఓ సూర్య దేవా! నీవే నా రక్షకుడవు
ఓ సూర్య దేవా! నీవే నా మిత్రుడవు
ఓ సూర్య దేవా! నీవే నా కార్యకుడవు

సర్వం నీవే నా జీవన మార్గ దర్శకుడవు
నిత్యం నీవే నా జీవిత మార్గ సూత్రుడవు  || ఓ సూర్య దేవా ||

ఉదయిస్తూనే ఉత్తేజంతో వేదాలనే పలకించెదవు
ప్రజ్వలిస్తూనే కిరణాలతో కార్యాలనే అందించెదవు
ప్రయాణిస్తూనే వర్ణాలతో భావాలనే అన్వేషించెదవు
అస్తమిస్తూనే బంధాలతో తత్వాలనే కలిగించెదవు

కాలంతోనే సమయాన్ని అందిస్తూ ఎన్నో స్వభావాలను తెలిపెదవు  || ఓ సూర్య దేవా ||

దైవాన్ని బోధిస్తూ జ్ఞానాన్ని కలిగిస్తూ ఉదయించెదవు
ధర్మాన్ని రక్షిస్తూ భయాన్ని తొలగిస్తూ జీవించెదవు
దేహాన్ని పలికిస్తూ స్నేహాన్ని సాగిస్తూ అస్తమించెదవు
దీక్షను సాగిస్తూ కార్యాన్ని నడిపిస్తూ అధిరోహించెదవు

భావాలతోనే తత్వాలను కలిగిస్తూ ఎన్నో కార్యాలను నడిపెదవు  || ఓ సూర్య దేవా ||

No comments:

Post a Comment