Friday, October 13, 2017

ఆత్మలోనే ఉన్నాను పరమాత్మగా దాగాను

ఆత్మలోనే ఉన్నాను పరమాత్మగా దాగాను
మేధస్సులోనే ఉన్నాను ఆలోచనగా దాగాను

అణువులోనే ఉన్నాను పరమాణువుగా దాగాను
శ్వాసలోనే ఉన్నాను ఉచ్చ్వాస జీవంగా దాగాను  || ఆత్మలోనే ||

పంచభూతాల ప్రకృతిగా పరమాత్మవలే పరమాణువునై ఇమిడిపోయాను
విశ్వభూతాల జగతిగా పరంధామవలే ఖనిజమునై అంతర్లీనమైపోయాను

దైవభూతాల సాక్షిగా దేహములోనే హృదయమునై మిగిలిపోయాను
సర్వభూతాల దీక్షగా మనస్సులోనే మౌనత్వమునై లీనమైపోయాను   || ఆత్మలోనే ||

ప్రకృతిలోనే పరిశోధనమై ఆకృతిలోనే పరిశుద్ధమై ఉండిపోయాను
విశ్వతిలోనే అన్వేషణనై జగతిలోనే ఆద్యంతమై నిండిపోయాను

జీవంలోనే సూక్ష్మమై రూపంలోనే శూన్యమై శ్వాసలో చేరిపోయాను
ధ్యాసలోనే వేదమై మేధస్సులోనే ధ్యానమై ఆలోచనలో పడిపోయాను   || ఆత్మలోనే || 

No comments:

Post a Comment