కలలతో కథగా సాగిపోనా ఊహలతో కల్పితమై చిత్రించనా

కలలతో కథగా సాగిపోనా ఊహలతో కల్పితమై చిత్రించనా
భావాలతో బంధానై సాగినా ఆలోచనలతో అనుబంధమై వెళ్ళనా

ఏనాటి కలలు కథలుగా ఏనాడు చెప్పుకున్నా
ఈనాటి ఊహలు చిత్రాలుగా చూసుకున్నాము   || కలలతో ||

కలలన్నీ గతానికే వెళ్ళగా ఊహలు భవిష్యవాణిగా వచ్చునేమో
కలలెన్నో జరగకపోయినా ఊహాలు స్వల్పమై సంభవించునేమో

ఆలోచనల అవధులు ఏవైనా కలలకు కథలకు ఊహలు ఏమైనా చిత్రించునే
భావాల స్వభావాలు ఏమైనా ఆలోచనల నడవడిలో కార్యాలు ఏవైనా జరుగునే   || కలలతో ||

కలలే కథలుగా ఊహలే చిత్రాలుగా విజ్ఞానమే ఎదుగుతున్నదా
ఉపాయమే కార్యాలుగా ఆలోచనలే పరిశోధనగా సాగుతున్నదా

కలైనా కథైనా పరమార్థాన్ని విజ్ఞానంతో పరిశోధించగా అనుభవమే తెలిసేనా
ఊహైనా చిత్రమైనా పరమార్థాన్ని జ్ఞానంతో పరిశీలించగా ఉపాయమే తోచేనా   || కలలతో ||
 

సృష్టిలోని సమస్యలను సమీక్షించరా

సృష్టిలోని సమస్యలను సమీక్షించరా
అన్వేషణతో నీ విజ్ఞానాన్ని చాటుకోరా   || సృష్టిలోని ||

నీ సమస్యల పరిష్కార స్వభావాలను కాలంతో నడిపించు
నీ విజ్ఞాన అమిథ్య ఆలోచనలను మేధస్సుతో పరిశీలించు

నీవే విశ్వ విజ్ఞానమై సమస్యలనే తగ్గిస్తూ నవ జీవితాన్ని కలిపించు
నీవే మహా తత్వమై సమస్యలకు శాశ్విత పరిస్కారాన్ని అందించు  || సృష్టిలోని ||

నీ భావాలను ఎందరికో తెలపాలి ఇంకా ఎందరికో తెలియాలి
నీ తత్వాలు ఎందరికో తెలియాలి మరెందరో తెలుసుకోవాలి

జీవన విధానంలోనే నడవడిక సరిలేని ప్రవర్తనగా సాగుతున్నది
జీవిత మార్గంలోనే సహాయం లేక సూచనలేని విధానమౌతున్నది  || సృష్టిలోని || 

ఓ బాటసారి ....

ఓ బాటసారి ....
నీటిలో ప్రయాణమా రహదారిలో ప్రమాదమా
రహదారిలో అడుగు వేస్తే నడవడి మారిపోవునా
నీటిలో అలలు వస్తే నావ తిరగబడి పోవునా  || ఓ బాటసారి .... ||

వర్షం వస్తే రహదారి చిందర వందర అగునా
నదిలో నావ చీటికిమాటికి అటుఇటు తిరుగునా

రహదారిలో దిక్కులు తోచినా అడుగులు వేయలేవా
నీటిలో దిక్కులు తోచకున్నా ఏ దిక్కున సాగి పోలేవా

ఇది జీవన ప్రయాణంతో సాగే జీవిత పోరాటం
ఇది మౌనంతో సాగే హృదయ వేదన సాగరం || ఓ బాటసారి .... ||

అలలతో సాగే నావ ఆగిపోతే అడుగులు వేసే రహదారి తీరం చేరుకోవా
కలలతో సాగే జీవితం కలతతో ఆగితే మరో కొత్త ప్రయాణం చేయలేవా

మారిపోయే కాలంతో మనిషే మారకపోతే ఏ జీవి నిన్ను మార్చునో
ప్రతి జీవిలో ఉన్న పరమార్థమే నీ మేధస్సుకు అనుభవమైనదేమో

సాగించే ప్రయాణం ఏదైనా ఓర్పుతో ధైర్యంగా సాగిపోవాలి
కాలంతో ప్రమాదం అనుకున్నా అజ్ఞానాన్ని వదులుకోవాలి || ఓ బాటసారి .... ||