మరణాన్ని మరచేందుకా మన కార్యాల ప్రయాణం

మరణాన్ని మరచేందుకా మన కార్యాల ప్రయాణం
మరణాన్ని తొలచేందుకా మన ఆలోచనల విజ్ఞానం
మరణాన్ని విడిచేందుకా మన ఆహారముల ఆరోగ్యం
మరణాన్ని పంపించేందుకా మన భావ స్వభావాల తత్వం  || మరణాన్ని ||

మరణమే లేదనుకో నీ కార్యాలతో ముందుకు సాగిపో
మరణమే కాదనుకో నీ ఆహారములతో ఆరోగ్యం చూసుకో
మరణమే వద్దనుకో నీ ఆలోచనలతో విజ్ఞానం పెంచుకో
మరణమే రాదనుకో నీ భావాలతో తత్వాలను గ్రహించుకో

మరణం ఎలా వస్తున్నా పరిశోధనతో దేహాన్ని రక్షించుకో
మరణం ఎలా చూస్తున్నా పరిశీలనతో రూపాన్ని సాగించుకో    || మరణాన్ని ||

మరణం ఎప్పుడు సంభవించినా ఎదురించే సామర్థ్యం పెంచుకో
మరణం ఎక్కడ ఆవహించినా పోరాటంతో ధైర్యాన్ని నింపుకో

మరణం ఎవరితో వస్తున్నా ప్రశాంతతో శ్వాసను ఉంచుకో
మరణం ఎవరితో పోతున్నా పరధ్యాసతో జీవాన్ని బంధించుకో

మరణం ఏదైనా ఆత్మ ప్రశాంతతో సాగిపో
మరణం ఏమైనా జీవ శాంతంతో వెళ్ళిపో    || మరణాన్ని || 

విశ్వంలో ఏమున్నదో జగమంతా ఏమి దాగున్నదో

విశ్వంలో ఏమున్నదో జగమంతా ఏమి దాగున్నదో
అన్వేషణతో సాగే మేధస్సుకు ఏదో రహస్యం తెలియాలి
ఆలోచనలలో విజ్ఞానం అనుభవమై కాలంతో సాగిపోవాలి  || విశ్వంలో ||

తెలిసే వరకు ప్రయోగం చేయాలి అర్థం అయ్యేవరకు పరిశోధన సాగాలి
ఏది ఏమిటో ఎందుకో గ్రహించాకే పర్యవేక్షణతో తీర్పు ఏదో ఇచ్చేయాలి

అద్భుతాలను తిలకిస్తూనే ఆశ్చర్యాన్ని అవగాహనతో పసిగట్టాలి
నిర్మాణాల విధానాలనే గమనిస్తూ మహా మూలాన్ని గ్రహించాలి   || విశ్వంలో ||

ప్రకృతియే మన వైద్యశాల పరిశోధన చేస్తే రహస్యం మన చెంత
విశ్వమే మన వేద కళాశాల పరిశీలిస్తే మహా పరమార్థం మన వెంట

ప్రయాణిస్తూనే అన్నింటిని గ్రహించాలి అనంతమైన  ఆలోచనలతో ఎన్నో తెలుసుకోవాలి
కాలంతో సాగుతూనే ఆరోగ్యం చూసుకోవాలి ఆయుస్సుతోనే మన విజ్ఞానానికి పదును పెట్టాలి  || విశ్వంలో ||

విశ్వం నీలో ఉన్న మాట నీ మేధస్సుకు తెలిసేనా

విశ్వం నీలో ఉన్న మాట నీ మేధస్సుకు తెలిసేనా
జీవంలోనే విశ్వం ఉన్న మాట నీ ఆలోచనకు తెలిసేనా  || విశ్వం ||

విశ్వమే జీవమై ప్రకృతిలో పంచభూతాలను విశ్వ శక్తిగా నీ శ్వాసలో చేర్చేనా
శ్వాసలో జీవమే ఉచ్చ్వాస నిచ్చ్వాసాలతో ప్రకృతిగా ప్రాణ వాయువునే స్వీకరించేనా

ఉచ్చ్వాస నిచ్చ్వాసాల శ్వాసతో హృదయంలో ప్రాణ వాయువు చేరి జీవించేనా
హృదయం పనిచేసే తీరును మేధస్సే గమనిస్తూ శరీర కణాల కార్యాలను గుర్తించేనా

శరీరంలోని ప్రతి అణువు కణాలను గమనించే స్థితి మేధస్సుకు స్పర్శగా తెలిసేనా
మేధస్సులోని స్పర్శ కణాలే మన అంతర్గత భావ శరీర రక్షణ కార్యాలను చూసేనా   || విశ్వం ||

శ్వాసే మనకు ఉత్తేజమై మేధస్సుకు హృదయానికి జీవమై శరీరాన్ని జీవింపజేయునా
శ్వాసే మనకు ఆరోగ్యమై మహా ప్రాణ వాయువై ఆహార శక్తిగా శరీరాన్ని జీవింపజేయునా

ఆహార స్థితియే ఆరోగ్య స్థితిగా మేధస్సులో ఆలోచన భావాలు ఉన్నంతవరకు జీవం ఉండును
జీర్ణ వ్యవస్థ ఆలోచన వ్యవస్థ ఉన్నంతవరకు ఆరోగ్యంతో శరీరం విశ్వ శక్తిగా జీవిస్తూనే ఉండును

మేధస్సుతో మన శరీర వ్యవస్థను ఓ గొప్ప గమనంతో మహా ఎరుకతో ఆరోగ్యాంగా చూసుకోవాలి
మన ఆలోచనల తీరులోనే సూర్యోదయ శక్తి ఉదయిస్తూ విశ్వ శక్తి ఉత్తేజమై జీవించును

ప్రకృతి గాలి సూర్య రశ్మి శుద్ధమైన నీరు వాతావరణ స్థితి శరీరానికి చాలా అవసరం
నిద్ర మంచి పోషక ఫల ఆహారం కార్య గమన ధ్యాస ధ్యాన ఉత్తేజం శ్వాసకు ముఖ్యం  || విశ్వం || 

నా హృదయం ప్రతి క్షణం ఉదయిస్తూనే మేధస్సులో కిరణాలుగా స్పర్శను అందిస్తుంది

నా హృదయం ప్రతి క్షణం ఉదయిస్తూనే మేధస్సులో కిరణాలుగా స్పర్శలను అందిస్తుంది
కిరణాలతో ప్రతి కణం ఉత్తేజవంతమై మేధస్సులో విజ్ఞాన అన్వేషణను దివ్యంగా సాగిస్తుంది  || నా హృదయం ||

హృదయంలో ప్రతి స్పందన ప్రతిసారి పరిచయమై స్పర్శలనే కలిగిస్తుంది
ప్రతి క్షణం స్పందనలతో నా జీవానికి అంతర్భావ కార్యాలను నెరవేరుస్తుంది

మేధస్సులో విజ్ఞానాన్ని దేహంలో ఆరోగ్యాన్ని రూపంలో తేజాన్ని హృదయమే సరిచేస్తుంది
జీవంలో భావాన్ని ఆత్మలో తత్వాన్ని శ్వాసలో స్వభావాన్ని మేధస్సే లీనమై ఆలోచిస్తుంది   || నా హృదయం ||

ప్రతి సూర్యోదయం హృదయానికి మేధస్సుకు మహా దివ్యమైన ఆరోగ్య తత్వాన్నిస్తుంది
ప్రతి సూర్యాస్తమయం దేహానికి విశ్రాంతి మేధస్సుకు తాత్కాళిక నిద్రను సమర్పిస్తుంది

ప్రతి సూర్య కిరణం ప్రతి జీవికి ఉత్తేజం ఆరోగ్యంతో విజ్ఞాన కార్యాలపై గమనాన్ని కలిగిస్తుంది
ప్రతి సూర్య తేజం ప్రతి జీవికి భావ స్వభావాల తత్వాలతో మహా విచక్షణను తెలియజేస్తుంది  || నా హృదయం || 

భావనే నిలిచిపోయేనా రోగమే వదిలిపోయేనా

భావనే నిలిచిపోయేనా రోగమే వదిలిపోయేనా
కాలమే మార్గాన్ని చూపి ఆరోగ్యాన్నే అందించేనా  || భావనే ||

రోగంతో చెలగాటం నిరంతరం పోరాటం
ఆరోగ్యంతో సహవాసం నిత్యం సంక్షోభం

అవకాశమే జీవితం విజ్ఞానమే ప్రయత్నం
సమయమే ఔషధం సమయోచితమే వైద్యం  || భావనే ||

ప్రకృతిలో ఆరోగ్య ప్రాణం ఆనందకర జీవితం
జగతిలో వేదాంత విజ్ఞానం నయగార అనుభవం

నిరాశే లేకుండ కార్య సాధనలో దశబ్దాల సహనం
విజయమే తెలియని ధీక్షలో శతాబ్దాల సహచరం  || భావనే ||