ఓ సూర్య దేవా! సర్వం నీవే విజ్ఞానం

ఓ సూర్య దేవా! సర్వం నీవే విజ్ఞానం
ఓ సూర్య దేవా! నిత్యం నీవే వైభోగం

ప్రతి జీవికి నీవే ఉత్తేజం
ప్రతి అణువుకు నీవే ఉత్కంఠం  || ఓ సూర్య దేవా! ||

ఉదయించే భావాలకు సూర్యోదయమే సువర్ణ సుప్రభాతం
అస్తమించే భావాలకు సూర్యాస్తమయమే సుదీర్ఘ ప్రయాణం

ఎదిగే ప్రతి వారికి నీవే మహా ఆదరణం
ఒదిగే ప్రతి వారికి నీవే మహా ఆభరణం   || ఓ సూర్య దేవా! ||

తేజముతోనే విజ్ఞానం ఉత్తేజముతోనే ప్రజ్ఞానం
భావంతోనే ప్రయాణం స్వభావంతోనే ప్రయాసం

ప్రజ్వలించుటలోనే అత్యంతమైన భావాలు ప్రకాశవంతమై వచ్చినదే సువర్ణ తేజం
ప్రజ్వలించుటలోనే ఆద్యంతమైన భావాలు ప్రభావంతమై మెచ్చినదే సువర్ణ కిరణం  || ఓ సూర్య దేవా! || 

నిశ్శబ్దమే సత్యమై ఏకాగ్రతయే మౌనమై మేధస్సుకే మహా విజ్ఞానమవుతుంది

నిశ్శబ్దమే సత్యమై ఏకాగ్రతయే మౌనమై మేధస్సుకే మహా విజ్ఞానమవుతుంది
ఆలోచనే భావమై జ్ఞాపకమే తత్వమై మేధస్సుకు మహా గుణ విచక్షణవుతుంది || నిశ్శబ్దమే ||

సత్యాన్ని జయించుటకే మహా విజ్ఞానం మనలో చేరుతుంది
విచక్షణతో మెలగుట కొరకే మనలో ఓ సద్భావన చిగురిస్తుంది
దైవత్వంతో నడుచుటకై సత్య ధర్మం మనలో నిలిచిపోతుంది

నిశ్శబ్దంగా ప్రశాంతతో చేసే సాధన ఓ గొప్ప విజయమై నీలో చేరుతుంది
ఏకాగ్రతతో మౌనంగా చేసే అధ్యాయం మహా వేదమై నీలో నిలిచిపోతుంది
భావాలతో ఆలోచన చేసే తీరులోనే నీకై ఓ గొప్ప వేదాంతం ఉదయిస్తుంది || నిశ్శబ్దమే ||

పరిశోధనతో పరిజ్ఞానం పరిశీలనతో పరిపూర్ణత ప్రయోగంతో పరమార్థం
ప్రకృతిలో పర్యవేక్షణ పరిశుద్దత తత్వం సహచర ధర్మం సద్గుణ భావం

విజ్ఞానంతో వైభోగం వసంతాల వైశాఖం వర్ణాల సువర్ణోత్సవం శుభోదయం
వేదంతో వేదాంతం వేదాల సంకల్పం విశ్వాంతర వేదన వచనం వదనం || నిశ్శబ్దమే ||