నీవు లేని జీవితం ఎవరి కోసమో తెలియని మోహం

నీవు లేని జీవితం ఎవరి కోసమో తెలియని మోహం
నీవు లేని జీవనం ఎందు కోసమో తెలియని మౌనం  || నీవు లేని ||

నీవు లేక నేను లేనని తెలిపేనే నా ప్రేమ హృదయం
నీవు లేక నేను లేని హృదయం మరణంతో సమభావం

నీవు నేను ఒకటైతేనే నీకు నాకు కలిగేను సంతోషం
నీవు నేను ఒకరికి ఒకరైతేనే ఇద్దరికి కలిగేను ఆనందం

నీవుగా జీవించే నేను నీతోనే ప్రతి క్షణం ఉండిపోతాను
నీవుగా సాగించే నా జీవితం నీకోసమేనని అనుకుంటాను  || నీవు లేని ||

నీలోనే నా భావం బంధమై సాగుతున్నది
నీలోనే నా జీవం అనుబంధమై జీవిస్తున్నది
నీతోనే నా హృదయం తేజమై వెలుగుతున్నది
నీతోనే నా సమయం కాలమై ప్రయాణిస్తున్నది  

నీవు నేను ఒకరికి ఒకరై నిలిచిపోవాలి
నీవు నేను ఒకరికి ఒకరై ఉండిపోవాలి
నీవు నేను ఒకే బాటలో నడిచిపోవాలి
నీవు నేను ఒకే మాటతో సాగిపోవాలి       || నీవు లేని ||