జగమే తెలిపిన మాటలలోనే భావాలెన్నో ఉదయిస్తున్నా

జగమే తెలిపిన మాటలలోనే భావాలెన్నో ఉదయిస్తున్నా
విశ్వమే తెలిపిన రాగాలలోనే వేదాలెన్నో పలికిస్తున్నా
భావాలే వేదాలుగా మన జ్ఞాపకాలనే జ్ఞానంగా వర్ణిస్తున్నా  || జగమే ||

శుభమే శోభనమై ఉదయిస్తున్నది సూర్య తేజం
శకునమే శరణమై శోభిల్లుతున్నది సూర్య కిరణం

చరణమే మూలాధారమై ప్రయాణిస్తున్నది కాలం
గమనమే స్వధారణమై ప్రదర్శిస్తున్నది విజ్ఞానం  || జగమే ||

కమలమే ప్రకృతి వలయమై పవళిస్తున్నది జగతి తత్వం
సరళమే విశ్వతి వృత్తమై ఆవహిస్తున్నది జగతి స్వభావం

విజ్ఞానమే విశ్వ మార్గమై సహజత్వం పులకిస్తున్నది నేస్తం
వేదాంతమే విశ్వ గీతమై దివ్యత్వం ప్రబలిస్తున్నది జీవం  || జగమే || 

మోహమో భావమో ... జీవమో దేహమో

మోహమో భావమో ... జీవమో దేహమో
నాదమో వేదమో ... రూపమో తత్వమో
సర్వ భావ తత్వాలు దేహ రూప జీవమే  || మోహమో ||

స్వర నాదాలు పలుకగా వేద నాడులు తొలికేనులే
జీవ దేహాలు కదలగా మోహ భావాలు వలచేనులే

నాద వేదాలు శృతించగా స్వప్త స్వరాలు జ్వలించేనులే
భావ బంధాలు స్మరించగా రూప తత్వాలు ప్రకాశించేనులే  || మోహమో ||

సితారా కాంతులు తపించగా సువర్ణ వర్ణాలు మెరిసేనులే
దివ్య వర్ణాలు ఉదయించగా మహా తేజస్సులే మురిసేనులే

వర్ణ రూపాలు కనిపించగా మోహ భావాలు మెప్పించేనులే
దేహ జీవాలు చలించగా విజ్ఞాన వేదాలు విశ్వసించేనులే  || మోహమో || 

కవి మాటలలో ప్రతి పదానికి అనంతమైన అర్థం పరమార్థమై ఉంటుంది

కవి మాటలలో ప్రతి పదానికి అనంతమైన అర్థం పరమార్థమై ఉంటుంది
కవి భాషలో ప్రతి వాక్యం శ్లోకమై గ్రంథంలో పరిశోధనమై నిలిచి పోతుంది  || కవి మాటలలో ||

కవి హృదయంలో జగమంతా నిండి విశ్వ విజ్ఞానమే అన్వేషిస్తుంది
కవి మేధస్సులో అంతరిక్షమే పండి పాండిత్యమై పరవశిస్తుంది

కవి గానంలో గమకం రాగ గాత్రమై వేదాంతం పలుకుతుంది
కవి గీతంలో సంగీతం స్వర గానమై మాధుర్యం పండుతుంది

కవి జీవించే విధానంలోనే మహాత్మ తత్వాలు నిలయమై పోతాయి
కవి కొనసాగే మార్గంలోనే మహర్షి ఋషతత్వాలు ఆధారమవుతాయి  || కవి మాటలలో ||

కవి తెలిపిన హితమే జగతిలో సత్యమై నిలుస్తుంది
కవి చూపించిన విజ్ఞానమే విశ్వంలో కాలమై వరిస్తుంది

కవి భావాలు ఆలోచలనలలో మిళితమై దివ్య స్వభావాలుగా జీవిస్తాయి
కవి తత్వాలు మేధస్సులలో పరిమళమై మహా వేదాలుగా సాగుతాయి

కవి కవితలోని జ్ఞానం సుజ్ఞానమై గుణ సద్గుణాలుగా విశేషింపబడుతాయి
కవి కవితలోని వేదం వేదాంతమై భావ స్వభావాలుగా విస్తరింపబడుతాయి  || కవి మాటలలో ||