నా నేత్రం తాకేను కమల కిరణం

నా నేత్రం తాకేను కమల కిరణం
నా భావం తెలిపేను సూర్య తేజం
నా ఆలోచన చూపించేను దివ్య పుష్పం
నా మేధస్సు తలిచేను మధుర సుగంధం  || నా నేత్రం ||

నాలోనే దాగిన కమల పుష్పం నీకై తలచిన సుగంధం
నాలో నిండిన సూర్య తేజం నీకై వెలసిన ఆశా కిరణం

నాలో నిలిచిన నవ భావం నిన్నే తాకిన గాలి గంధర్వం
నాలో పలికిన స్వర రాగం నీతోనే కలిసిన మౌన వేదం   || నా నేత్రం ||

నీకై నేను ఉదయించాను సూర్య కిరణమై
నీకై నేను వేచివున్నాను మధుర స్వప్నమై

నీ నాభిలో నిలయమై ఉన్నాను ఓ నక్షత్రపు బిందువులా
నీ రూపంలో నిమగ్నమై ఉంటాను ఆకాశ భావ వర్ణములా  || నా నేత్రం ||